VAERS gagnagrunnurinn – 20% aukning á hjartasjúkdómum eftir C-19 bólusetningar

frettinErlentLeave a Comment

Sóttvarnarstofnun Bandaríkjanna (CDC) sendi frá sér ný gögn á föstudaginn sem sýna að alls 1.217.333 tilkynningar um alvarlegar aukaverkanir í öllum aldurshópum hafa verið skráðar í kjölfar Covid bólusetninga, í tilkynningakerfið VAERS (Vaccine Adverse Events Reporting System) á tímabilinu 14. desember 2020 til 1. apríl 2022.

Gögnin innihéldu samtals 26.699 tilkynningar um dauðsföll, aukning um 303 frá fyrri viku, og 217.301 alvarleg tilfelli (þar með talin dauðsföll), á sama tímabili, sem er aukning um 2.780 frá fyrri viku.

Að undanskildum „erlendum tilkynningum“ sendum til VAERS var tilkynnt um 803.613 alvarlegar aukaverkanir, þar á meðal 12.304 dauðsföll og 79.094 alvarleg tilvik í Bandaríkjunum á tímabilinu 14. desember 2020 og 1. apríl 2022.

Erlendar skýrslur eru gögn frá erlendum dótturfyrirtækjum sem send eru til bandarískra bóluefnaframleiðenda. Samkvæmt reglugerð Matvæla- og lyfjaeftirlits Bandaríkjanna (FDA) er fyrirkomulagið þannig, að ef framleiðanda er tilkynnt um erlent atvik sem bæði telst alvarlegt og kemur ekki fram á lýsingu vörunnar, þarf framleiðandinn að senda skýrsluna til VAERS.

Af þeim 12.304 dauðsföllum í Bandaríkjunum sem tilkynnt hafði verið um til 1. apríl 2022 áttu 17% þeirra sér stað innan 24 klukkustunda frá bólusetningu, 21% innan 48 klukkustunda frá bólusetningu og 59% áttu sér stað hjá þeim sem fóru að finna fyrir veikindum innan 48 klukkustunda frá bólusetningu.

Í Bandaríkjunum höfðu 561 milljón COVID bóluefnaskammta verið gefnir frá 1. apríl, þar af 331 milljón skammtar af Pfizer, 211 milljónir af Moderna og 19 milljónir skammta af Janssen frá J&J.

  • 20% dauðsfalla tengdust hjartasjúkdómum.
  • 54% þeirra sem létust voru karlmenn, 41% voru konur og eftirstöðvar dánartilkynninganna innihéldu ekki kyn hins látna.
  • Meðalaldur látinna var 73.
  • Þann 1. apríl tilkynntu 5.370 barnshafandi konur aukaverkanir tengdar COVID bóluefni, þar á meðal 1.693 tilkynningar um fósturlát eða ótímabæra fæðingu.
  • Af 3.642 tilfellum Bell's Palsy (andlitslömun) sem tilkynnt var um voru 51% rakin til Pfizer bólusetninga, 40% til Moderna og 8% til Janssen.
  • 878 tilkynningar um Guillain-Barré heilkenni, þar sem 42% tilvika voru rakin til Pfizer, 30% til Moderna og 28% til Jansen.
  • 2.377 tilkynningar um bráðaofnæmi þar sem viðbrögðin töldust lífshættuleg, þörfnuðust meðferðar eða leiddu til dauða.
  • 1.666 tilkynningar um hjartadrep.
  • 13.738 tilkynningar um blóðstorknunarsjúkdóma. Af þeim voru 6.145 tilkynningar raktar til Pfizer, 4.899 tilkynningar til Moderna og 2.651 til Janssen.
  • 4.099 tilfelli af hjartavöðvabólgu og gollurshússbólgu þar sem 2.517 tilvik voru rakin til Pfizer, 1.391 til Moderna og 180 til Janssen.

Nánar um málið má lesa hér.

Skildu eftir svar

Netfang þitt verður ekki birt.