Geert Vanden Bossch sem er einn fremsti veiru- og bóluefnasérfræðingur heims var í viðtali við samtökin Voice for Science þar sem hann fer yfir Omicron afbrigðið og örvunarbólusetningar. Þetta er annar hluti af fimm þar sem tekið er viðtal við sérfræðinginn, en Fréttin birti einnig fyrsta hluta sem má sjá hér.

Fyrsta spurning blaðamanns til Bossch er: „Á ég að taka næsta örvunarskammt og hvaða ávinning hef ég af því?“

Bossch svarar: „Það er enginn ávinningur af örvunarskammti og getur öllu heldur valdið miklu meiri skaða og leitt til þess að ónæmiskerfið komist í ójafnvægi. Það eykur aðeins á líkurnar á að fólk hafi á endanum ekkert ónæmi gegn veirunni.  Það er mikill misskilningur í gangi hvað varðar ónæmiskerfið okkar og fólk virðist halda að því meiri bóluefni, þeim mun meira ónæmi fái það gegn veirunni. Þetta er mikill misskilningur, það veikir einmitt ónæmiskerfið,“ segir Bossch.

Sérfræðingurinn segir að endurteknir örvunarskammtar munu veita minna og minna ónæmi og á endanum veitir skammturinn kannski um tveggja vikna vörn, en síðan hrynur ónæmiskerfið og fólk getur fengið ýmis konar aukaverkanir.

Næsta spurning blaðamanns er: „Mun ég tapa vörninni sem ég hef þegar látið sprauta í mig, því ef ég skil þig rétt þá gæti ég misst vörnina og því með enga vörn fyrir veirunni?“

Bossch svarar: „Já staðan er sú að þessi bóluefni munu ekki verja þig neitt, það er orðið ljóst, þú munt á endanum líklegast fá veiruna og örvunarskammtar munu ekki hjálpa neitt við að koma í veg fyrir það. Þannig að það er í raun miklu meiri áhætta fyrir þig að taka örvunarskammt sem fylgja ýmsar áhættur og þú gætir þróað með þér annan sjúkdóm sem er miklu verri og þannig skaðað ónæmiskerfið.“

Næst spyr blaðamaður: „Ertu þá að mæla með að fólk hafni næsta örvunarskammti, eða er það möguleiki fyrir okkur sem höfum undirgengist bólusetningu, erum við að setja okkur í einhverja hættu með því?“

,,Nei, það þarf ekki að felast nein áhætta í því vegna þess að ónæmiskerfið getur enn unnið á eðlilegan hátt þótt búið sé að veikja það og því er betra að fá veiruna á náttúrulegan hátt og láta kerfið vinna á henni.“

Bossch segir að Omicron afbrigðið sé í raun einstakt tækifæri til að ná náttúrulegu hjarðónæmi sem getur eytt þessari veiru fyrir full og allt. Ef við ætlum aftur á móti að fara bólusetja gegn Omicron þá mun það hafa skelfilegar afleiðingar fyrir mannkynið, við verðum að grípa þetta einstaka tækifæri núna, það mun ekki koma aftur. Omicron veitir mjög öflugt ónæmi og skilar sér í litlum veikindum.“

Skilaboðin eru þessi segir sérfræðingurinn: „Látið fólkið vera, alls ekki bólusetja gegn Omicron og leyfið veirunni að dreifa sér um allt samfélagið, þetta er eina leiðin til að losna við hana og er einstakt tækifæri,“ segir Bossch.

Hann segir líka að ef við ætlum að fara bólusetja gegn Omicron mun það rugla ónæmiskerfið þannig að við endum uppi með veiru sem ónæmiskerfið ræður ekki við.  Það er í raun uppskrift af banvænni veiru og munum við þá horfa upp á gífurlegan fjölda af andlátum og alvarlegum veikindum.“

Blaðamaðurinn spyr þá: „Ertu þá að tala um alvöru drápsveiru?“  „Já, því miður,“ svarar Bossch.

Bossch segist vera búinn að vara Alþjóðaheilbrigðisstofnunina við og mun senda þeim greinargerð í vikunni, og bætir við: „Aldrei, aldrei bólusetja stóran hluta þjóðarinnar með þessum efnum, það er stórvarasamt og getur endað með skelfingu.“

Viðtalið má sjá hér að neðan.