Útdráttur úr grein eftir Þorstein Siglaugsson á miðlinum Substack:
Heilbrigðisyfirvöld í Flórída gáfu út nýjar leiðbeiningar á föstudag varðandi mRNA Covid-19 bólusetningar.
Leiðbeiningarnar byggja á greiningu á dánaráhættu af völdum hjartasjúkdóma innan 28 daga frá bólusetningu og sýna 84% aukningu á hjartatengdum vandamálum meðal karlmanna á aldrinum 18-39 ára. Þess vegna er nú mælt gegn því að þessi hópur fái bóluefnin.
Þetta á ekki aðeins við um hina svokölluðu „örvunarskammta“ heldur allar Covid-19 mRNA bólusetningar.
Heilbrigðisyfirvöld í Flórída feta þar með í fótspor heilbrigðisyfirvalda í öðrum löndum. Danmörk hætti nýlega að gefa Covid bóluefni þeim sem eru yngri en 50 ára. Jafnvel Ástralía hefur takmarkað verulega framboð á bóluefninu fyrir yngra fólk. Aðeins þeir sem eru á aldrinum 16-30 ára með „erfiða, langvinna eða alvarlega sjúkdóma“ geta nú fengið sprauturnar.
Munum að Ástralía er landið sem kaus að setja hina ósprautuðu í sóttkví á síðasta ári, þrátt fyrir vaxandi áhyggjur af öryggi efnanna og skýrar vísbendingar um að þau gerðu lítið ef ekkert til að koma í veg fyrir sýkingar.
Í þessu samhengi mætti líka skoða rannsóknarinnar sem breski læknirinn Dr. Aseem Malhotra gerði, en hann var áður eindreginn stuðningsmaður Covid-19 bólusetninga. Malhotra birti nýlega rannsóknina og komst að þeirri niðurstöðu að fyrir þá sem ekki eru aldraðir geri sprauturnar meiri skaða en gagn. Tvær af hans greinum eru aðgengilegar hér og hér.
Joseph A. Ladapo, landlæknir Flórída, hefur greinilega áhyggjur af heilsu íbúanna og starfar í þágu þeirra án tillits til upplýsingaherferðar um „rangar upplýsingar um heimsfaraldur“ sem rekin er af alríkisstjórninni, fjölmiðlum og samfélagsmiðlarisunum.
Lapado er heiðarlegur og hugrakkur maður. Ég spái því að það muni ekki líða nema einhverjir dagar, líklegast aðeins klukkustundir, þangað til ritskoðunarvélar fara í gang, gagnrýna hann og rægja.
