Pfizer staðfestir að hafa ekki prófað hvort „bóluefnið“ kæmi í veg fyrir dreifingu veirunnar

frettinErlent, Rannsókn, Þórdís B. Sigurþórsdóttir1 Comment

Hollenski Evrópuþingmaðurinn Rob Roos birti í dag myndband á Twitter þar sem hann upplýsir að stjórnandi hjá Pfizer hafi staðfest að fyrirtækið hafi ekki prófað áður en mRNA „bóluefnið“ var sett á markað hvort efnið kæmi í veg fyrir smit og þar með dreifingu veirunnar.

Í myndbandinu segir Rob:

„Ef þú lætur ekki „bólusetja“ þig ertu andfélagslegur. Það er það sem hollenski forsætisráðherrann og heilbrigðisráðherrann sagði okkur. Þú lætur ekki „bólusetja“ þig bara fyrir sjálfan þig, heldur einnig fyrir aðra - þú gerir það fyrir allt samfélagið. Það er það sem þeir sögðu.“

Hann heldur áfram og segir:

„Í dag hefur komið í ljós að þetta var algjör þvæla. Í COVID yfirheyrslum í Evrópuþinginu í dag játaði einn af stjórnendum Pfizer fyrir mér að við kynningu hefði „bóluefnið“ aldrei verið prófað hvort það kæmi í veg fyrir dreifingu veirunnar. Þetta kippir algerlega lagalegum stoðum undan COVID bóluefnapassanum, bóluefnapassanum sem leiddi af sér stórfellda mismunun þar sem fólk var svipt aðgengi að grunnstoðum samfélagsins. Fyrir mér er þetta áfall - jafnvel glæpsamlegt.“

Þá biður hann fólk um að horfa á myndbandið allt til enda.

Í þinginu spurði Rob þessarar spurningar:

„Var prófað hvort Pfizer COVID „bóluefnið“ stöðvaði dreifingu veirunnar áður en það var sett á markað?“

Stjórnandinn hjá Pfizer sem sat fyrir svörum, J. Small, glotti og hló við og sagði: „Varðandi spurninguna hvort við vissum um hvort [bóluefnið] kæmi í veg fyrir smit áður en það fór á markað... nei.“

Eftir þetta svar stjórnandans frá Pfizer segir Rob í myndbandinu:

„Þetta er hneyksli. Milljónir manna voru neyddir til að láta „bólusetja“ sig vegna mýtunnar um að „þú gerðir það fyrir aðra“. „Nú, er ljóst að þetta var ódýr lýgi. Upplýsa þarf um þetta. „Vinsamlegast deilið þessu myndbandi,“ segir Rob að lokum.

Engin vísindi á bak við meint „hjarðónæmi“

Þessi játning Pfizer staðfestir einnig að allt tal um að ná hjarðónæmi var aldrei byggt á vísindum, það hafði aldrei verið rannsakað hvort sprautefnið kæmi í veg fyrir útbreiðslu smita.

Kári Stefánsson, forstjóri ÍE, var því með óvísindalegar yfirlýsingar, ef ekki bara tóma lygi,  þegar hann sagði í nóvember 2020 : „Ég spáði því að við mynd­um fá bólu­efni fyr­ir lok árs,“ seg­ir Kári. „Þetta bólu­efni hef­ur alltaf þótt feiki­lega lof­andi,“ .... Hef­ur bólu­efnið í 90% til­vika komið í veg fyr­ir Covid-19-smit í þriðja fasa lyfjaþró­un­ar­inn­ar. „Það þykir feiki­lega góður ár­ang­ur, betri en ár­ang­ur­inn af flest­um in­flú­ensu­bólu­efn­um. Því er þetta af­skap­lega góð niðurstaða,“ sagði Kári. 

Eða Þórólfur Guðnason, fyrrv. sóttvarnalæknir sem sagði að vonir stæðu til um að „örvunarskammtur“ myndi búa til hjarðónæmi, þ.e. sama „bóluefnið" og hinir tveir fyrri skammtar sem ekki leiddu til neins ónæmis eða hjarðónæmis.

Hver er ábyrgð þessara óvísindalegu manna?

Hér neðar má sjá myndband hollenska þingmannsins. Þýski Evrópuþingmaðurinn Christine Anderson vekur einnig athygli á málinu og dreifir myndbandinu:


One Comment on “Pfizer staðfestir að hafa ekki prófað hvort „bóluefnið“ kæmi í veg fyrir dreifingu veirunnar”

  1. Þetta eru einar stæðstu fréttir ársins, og þvílíkum áróðri og áreiti beitt gegn þeim sem tóku ekki þátt í þessari vitleysu

Skildu eftir skilaboð