Hinni hugrökku söngkonu M.I.A. hefur verið tilkynnt að hún fái ekki að koma fram á „Maður ársins“ verðlaunahátíð GQ tímaritsins, eins og til stóð, eftir að hún hafði vísað til hins umdeilda útvarpsstjóra Alex Jones og lagt til að frægt fólk sem „talaði fyrir C-19 bóluefnunum“ ætti þá líka að greiða skaðabætur.

Breska söngkonan deildi skilaboðum frá GQ á Twitter á föstudaginn þar sem hún staðfesti að þátttöku hennar á verðlaunakvöldinu og væntanlegri myndatöku hefði verið aflýst.

Söngkonan svaraði fyrir sig á Twitter og sagði: „Hvernig velur þú mann ársins þegar þú ert ekki með pung til að ræða málin (hugrekki)“.

Svo virðist sem kveikjan að þessu hafi orðið á fimmtudag í síðustu viku þegar M.I.A. tísti: „Ef Alex Jones borgar fyrir að ljúga ætti þá ekki allt fræga fólkið sem ýtti undir bóluefnin að borga líka?"

M.I.A. hefur lengi verið efins um hin svonefndu Covid-19 „bóluefni“ og lýsti því yfir árið 2020 að hún myndi „velja dauðann“ fram yfir „bóluefnin“.

Færsla henna á Twitter kom í framhaldi af því að Janine Small, framkvæmdastjóri hjá Pfizer, sagði fyrir nefnd Evrópuþingsins að fyrirtækið hafi ekki prófað hvort bóluefni þess kæmi í veg fyrir smit á Covid-19 áður en það var sett á markað.

Í viðtali við The Guardian á föstudag sagði M.I.A. [varðandi afstöðu sína til „bóluefnanna“. „Ég þekki þrjá sem hafa látist af völdum bólusetningar og ég þekki þrjá sem hafa látist af völdum Covid,“ sagði hún við breska dagblaðið. „Ef einhver ætlar að afneita þeirri reynslu eins og hún hafi ekki átt sér stað og segja: Nei, það er ekki þín reynsla, hver er þá tilgangurinn með þessu öllu?“

Þess má geta að verðlaunahátíð GQ tímaritsins verður haldin 22. nóvember nk. og er í samvinnu við þýska tískurisann Hugo Boss, en öllum ætti að vera kunnugt um framgöngu þýskra stjórnvalda gagnvart þegnum sínum þegar kemur að hinum svonefndu C-19 sprautuefnunum.

Hægt er að kaupa miða á þessa hátíð og njóta kvöldsins með ríka og fræga fólkinu. Einstaklingsmiði kostar um 982 þúsund króna en hægt er að lækka þann kostnað á mann örlítið með því að kaupa borð fyrir 10, en borðið kostar rétt um 9 milljónir króna. Þeir sem kaupa miða og mæta á hátíðina ættu að hafa örlög M.I.A. í huga og segja bara „það sem má“ og alls ekki eitthvað sem styggir lyfjarisana og félaga þeirra.