Evrópuþingmaðurinn Christian Terhes segir í nýrri færslu á Twitter síðu sinni: „Pfizer og ríkisstjórnir lugu og fólk dó. Við vitum núna að það er staðreynd að C-19 „bóluefnin“ stöðva ekki dreifingu veirunnar. Þetta var staðreynd sem bæði Pfizer og ríkisstjórnir vissu af.“

Á myndbandinu hér fyrir neðan spyr Tehres, Wolfgang Philipp fulltrúa framkvæmdastjórnar Evrópusambandsins: „Hvað er hægt að gera til að fá endurgreitt, með öðrum orðum fá peninga til baka frá þessum lyfjaframleiðendum sem augljóslega lugu og afvegaleiddu ykkur og okkur til að kaupa vöru sem er ekki að gera það sem hún var markaðsett til að gera?“

Wolfgang Philipp svaraði:
„Ef þiði viljið fá bóluefni sem kemur í veg fyrir smit, gangi ykkur vel. Við hefðum getað fengið það, en við erum ekki komin þangað ennþá, það er vinna í gangi í þá áttina en það er allt önnur hönnun á þessum bóluefnum, þannig að ég svari þér skýrt.“

Þá næst setur Tehres inn viðtal við forstjóra Pfizer, Albert Bourla, á NBC News þar sem hann segir: „Það eru margar vísbendingar akkúrat núna sem eru að segja okkur að það sé, vörn gegn smiti á sjúkdómnum.“

Næst segir Tehres frá því að fullyrðingar forstjóra Pfizer stangist á við það sem kom fram í fréttatilkynningu Pfizer 13. október 2022 þar sem Pfizer sagði varðandi prófanir sínar á „bóluefninu“ áður en það fór á markað: „Að stöðva dreifingu veirunnar var ekki markmið prófananna“.

„Þannig, ef ríkisstjórnir og framleiðendur þessara „bóluefna“ vissu að þau stöðvuðu ekki dreifingu veirunnar, af hverju innleiddu stjórnmálamenn bólusetningaskyldu með því að nota bólusetningaskírteini? Allir lugu þeir að okkur og verða að bera ábyrgð á því!“ bætti Tehres við.

Með öðrum orðum er Tehres að árétta það að allt tal stjórnvalda, embættismanna og annarra um að hjarðónæmi gæti náðst með þessum „bóluefnum“ hér landi sem annars staðar, þegar þau voru kynnt, var ekki byggt á staðreyndum og voru því hreinar og klárar lygar.

Sem dæmi um þetta kom frétt á RÚV í desember 2020: „Kári Stefánsson, forstjóri erlenda fyrirtækisins Íslenskrar erfðagreiningar, hefur verið í samskiptum við stjórnendur lyfjafyrirtækisins Pfizer um að hingað til lands berist um 400 þúsund skammtar af bóluefni. Þar með væri hægt að bólusetja um 60% fullorðinna landsmanna og skapa hjarðónæmi gegn kórónuveirunni. “ 

Hér má sjá færslu Tehres: