Repúblikaninn Kevin McCarty, þingmaður frá Kaliforníu, sem sóst hefur eftir embætti forseta fulltrúadeildar Bandaríkjaþings, eftir að repúblikanar náðu meirihluta í kosningunum í nóvember, hefur ekki enn náð kjöri þrátt fyrir margendurteknar atkvæðagreiðslur á þinginu undanfarna daga.
McCarthy þarf að fá atkvæði 218 þingmanna til að ná kjöri og myndi ná þeim fjölda ef allir samflokksmenn hans myndu greiða honum atkvæði.
Þrír dagar hafa nú liðið á þinginu án þess að niðurstaða hafi náðst um talsmann og hefur slíkt ekki gerst í 168 ár.
Eins og sjá má á heimasíðu World Economic Forum (WEF) er Kevin McCarthy enn einn stjórnmálamaðurinn sem tengdur er auðkýfingasamtökunum. Velta má vöngum yfir því hvort ástæða þess að hann njóti ekki trausts og nái ekki kjöri sem forseti fulltrúadeildarinnar séu einmitt tengsl hans við auðkýfingana í WEF sem hrósa sér af því að stýra stjórnmálamönnum eins og strengjabrúðum til að ná fram markmiðum sínum.
Stefna World Economic Forum „dauðadæmd í Fórdída“
Þess má geta að ríkisstjóri Fórída, Ron DeSantis, sem talinn er líklegur forsetaframbjóðandi Repúblikana 2024, fordæmdi fyrir stutttu stefnur World Economic Forum og sagði þær „detta niður dauðar“ við komuna til Flórída. DeSantis sagði Flórída ekkert vilja með WEF hafa að gera og að þessar „stefnur Davos-elítunnar væru dauðadæmdar í Flórída“.
„Ég vil ekki láta þröngva gildum Davos klíkunnar upp á okkur, heldur vil ég styðjast við gildi Destin og Dunedin, þar sem ég ólst upp. En eitthvað frá World Economic Forum, þær stefnur detta niður dauðar við komuna til Flórída, sagði DeSantis.“
„Þetta er kommúnismi“
Þá sagðist þingkona Repúblikana, Marjorie Taylor Greene, hafa greitt atkvæði gegn Build Back Better frumvarpi demókrata á síðasta ári sem hún kallar kommúnistafrumvarp og gangi út á að stækka ríkisvaldið. En Build Back Better er einmitt ein af stefnum World Economic Forum.
Sagt er að þetta muni auka störf í landinu en það er rangt, sagði þingkonan. Þetta er hræðilegt lagafrumvarp og það verður erfitt að snúa við þeim áhrifum sem það mun hafa á landið okkar.
Við Bandaríkjamenn vitum að þegar ríkisvaldið setur af stað áætlun mun sú áætlun aldrei enda. Raunverulegi vandinn við þetta svokallaða "Build Back Better" frumvarp er: „Þetta er kommúnismi.“
