Fyrrum yfirmaður hjá Pfizer sagði Covid sprautuefnin geta valdið ófrjósemi kvenna

frettinErlent, Frjósemi, Innlent, Þórdís B. Sigurþórsdóttir1 Comment

Breski visindamaðurinn Mike Yeadon starfaði eitt sinn hjá lyfjarisanum Pfizer þar sem hann gegndi meðal annars stöðu aðstoðarframkvæmdastjóra. Yeadon varaði frá upphafi við svokölluðum Covid „bóluefnum“, sem hann sagði meðal annars geta valdið ófrjósemi kvenna í ótilgreindan tíma.

Fyrir vikið varð hann einn þeirra vísindamanna sem úthrópaður var af meginstraumsmiðlum og valdhöfum sem hættulegur maður og samsæriskenningasmiður.

Yeadon sagði líka í viðtali við fyrrum fótboltastjörnuna Matt Le Tissier sl. sumar að hin 60 ára gullna regla væri að gefa þunguðum konum aldrei nýtt lyf og að afleiðingarnar væru nú að koma fram.

Getur verið að Yeadon hafi haft eitthvað til síns máls?

Hér á landi hófst Covid bólusetningaherferðin meðal barnshafandi kvenna í lok júlí 2021. Þetta sama ár fæddist mikill fjöldi barna en það sem gerðist einnig var að fjöldi andvana fæðinga og nýburadauða nánast tvöfaldaðist frá árinu 2020. Aukningin vakti athygli erlendis en hér á landi var málið ekki rætt, rétt eins og ekkert væri eðlilegra en að Ísland dytti niður í sama flokk og Lettland, Rúmenía, Slóvakía, Búlgaría o.fl. í andvana fæðingum.

Árið 2022 gerðist það síðan að fæðingum stórfækkaði á milli ára, ekki bara hérlendis, heldur virðist þróunin vera sú sama víðsvegar um heminn. Hér á landi hefur fæðingum milli ára ekki fækkað jafn mikið frá því árið 1838, eða í 185 ár. Fólk virðist finna hinar ýmsu ástæður við fækkuninni, til að mynda skort á leikskólaplássi, hækkandi leigu-og íbúðarverð o.fl.

En eins og áður segir er þróunin sú sama í mörgum öðrum ríkjum. Í febrúar sl. kom til dæmis fram að fæðingar í Finnlandi hefðu ekki verið jafn fáar í 150 ár og dauðsföllin aldrei fleiri, en mikil aukning dauðsfalla á sér sömuleiðis stað hérlendis og víðar.

Hvers vegna geta sprauturnar valdið ófrjósemi?

Mike Yeadon varaði sérstaklega við Covid bólusetningu hrausts fólks, barna og barnshafandi kvenna og útskýrði að mRNA bóluefnin/líftæknilyfin geti blokkað prótín sem nauðsynlegt er fyrir framleiðslu á fylgju um óákveðinn tíma.

Dr. Yeadon fullyrðir að ef bóluefnið virki þannig að það myndi ónæmissvörun gegn syncytin-1, verði líkamanum falið að ráðast á syncytin-1 sem fræðilega gæti leitt til ófrjósemi hjá konum í ótilgreindan tíma. Broddprótín eins og þessi innihalda syncytia-homologous prótein sem eru nauðsynleg við myndun fylgju hjá spendýrum og því hjá mannfólki.

Yeadon fullyrðir einnig að mRNA bóluefnin frá BioNTech/Pfizer innihaldi pólýetýlen glýkal (POG) og um 70% manna þróa mótefni gegn þessu efni sem þýðir að margir geti fengið ofnæmi, og hugsanlega banvæn viðbrögð við bólusetningunni.

Þessar fullyrðingar Yeadon er að finna í fjölda greina, hér er samantekt þar sem „fakt-tékkarar“ fá einnig athygli.

Hér má síðan sjá samantekt sem unnin er upp úr gögnum læknatímaritsins New England Journal of Medicine þar sem fram kemur við nánari skoðun gagnanna að rúmlega 80% kvenna misstu fóstur ef þeim voru gefin „bóluefnin“ á fyrri hluta meðgöngu.

Hvað sem veldur hinni mikilli fækkun fæðinga hér á landi er ekki hægt að fullyrða um. Það sem vitum aftur á móti er að barnshafandi konum og konum á barnseignaraldri var gefið nýtt líftæknilyf á tilraunastigi sem nefnt var Covid „bóluefni“ frá og með árinu 2021. „Bólusetningarnar“ héldu áfram í þessum hópum árið 2022. Árið 2021 tvöfölduðust andvana fæðingar og nýburadauði og árið 2022 hrundi fæðingartíðni svo mikið að annað eins hefur ekki sést í 185 ár. Það sem einnig er vitað er að sérfræðingar vöruðu við og útskýrðu mál sitt. Fáir vildu hlusta.

Yfirvöld sögðu lyfin vera „örugg og áhrifarík“ þrátt fyrir stuttan prófunartíma og að t.d. Pfizer „bóluefnið“ hafði aldrei verið prófað m.t.t. til þess hvort það stöðvaði smit.

Það sem líka er verið að rannsaka er hvaða áhrif efnin hafa á frjósemi karla. Í þessari rannsókn frá júní sl. kemur t.d. fram að gæði sáðfruma minnki a.m.k. tímabundið.  Í þessari rannsókn var þátttakendum ráðlagt að frysta sæði í öryggisskyni.

Grein um Yeadon er ekki lengur á vefnum en mynd af henni má sjá hér:

One Comment on “Fyrrum yfirmaður hjá Pfizer sagði Covid sprautuefnin geta valdið ófrjósemi kvenna”

  1. Ég gét nú ekki betur séð / lesið (samhvæmt fréttum) að Yeadon hafi haft eitthvað til síns máls…

Skildu eftir skilaboð