Hallur Hallsson skrifar:

Váfuglinn er lentur á Keflavíkurflugvelli. Hinar amerísku B-2 eru „rauð“ skotmörk í heimstyrjöld risaveldanna. Þrjár amerískar B-2 torséðar stealth þotur sem svífa eins og ránfuglar í háloftum bera hver sextán kjarnorkusprengjur albúnar til árása á Rússland. Álykta má að Rússar líti á komu þeirra sem yfirvofandi ógn; clear and present danger. Ríkisstjórn Íslands leikur sér að eldi, hefur fært landið í fremstu víglínu vegna stríðs við Svartahaf í 4.500 kílómetra fjarlægð. Kjarnorkuvá vofir yfir Íslandi. Staðan er grafalvarleg. Bandaríkin eiga tuttugu B-2 svo 15% váfugla Ameríku eru á Íslandi.

Hvernig munu Rússar bregðast við amerískri kjarnorkuógn? Fjölmiðlar segja um æfingu að ræða en torséðu B-2 stealth þoturnar eru „rauð“ forgangs skotmörk. Rússar gera sjálfsagt ráð fyrir að um borð séu kjarnorkusprengjur. Þotunum verður vart grandað í lofti, aðeins flugvelli þá væntanlega með Kinzhal eldflaugum á tíföldum hljóðhraða. Við þeim er engin vörn. Vesturlönd eiga ekkert sambærilegt vígatól. Þessar þrjár B-2 þotur geta grandað heiminum eins og við þekkjum hann. Kjarnorkustríð er handan við horn, ekkert má útaf bregða á Íslandi vegna styrjaldar við Svartahaf hinum megin í horni Evrópu. Ísland yrði hart leikið í kjarnorkuvetri; ef hitastig lækkar um tvær gráður leggst af byggð á Íslandi. Ríkisstjórn teflir íslenskri tilvist í tvísýnu. Síðari heimstyrjöldinni lauk ekki með uppgjöf nazista 1945 heldur tók við Kalt stríð risaveldanna á kjarnorkuöld. Guðlaus Sovétríki voru ógn við kristin vestræn lýðræðisríki sem stofnuðu varnarbandalagið Nato. Við hrun Sovétríkjanna snéru Rússar sér til Drottins á ný en guðlaust fasískt Nato hóf útþenslu austur á bóginn og er nú við landamæri Rússlands undir merkjum alþjóðahyggju; glóbalizma þrátt fyrir 35 ára gamalt loforð Not an Inch Eastwards. Það er proxystríð í Evrópu gegn Rússlandi. Átökin eru milli Rússlands og Bandaríkjanna með Evrópu í taumi.

Tilskipanir Dísu ráðstýru

Suðurnesjamenn verða að sætta sig váfuglana sveima yfir höfði sér. „Það er ástæða fyrir því að þær eru háværar en það er ágætt að fólk viti hvers vegna það er,“ segir Dísa ráðstýra. Hún útskýrir ekki. Eru þær svona háværar vegna kjarnorkuvopna um borð? Þetta þarf fólk að fá að vita. Koma B-2 til Íslands er stigmögnun stríðsins við Svartahaf. Óábyrg ríkisstjórn hefur gert Ísland að helsta skotmarki í kjarnorkustríði. Kolbeinn Tumi Daðason fréttastjóri Stöðvar 2 skrifaði á visi.is: „Þegar Bandaríkjaher vill virkilega sýna mátt sinn þá sendir hann torséðu B-2 sprengjuþotuna á vettvang,“ tók svo viðtal við Albert Jónsson. Þeir kinkuðu báðir kolli samþykkir hervæðingu Íslands. Engar athugasemdir. Kolbeinn og fólk hans er vel lesið í Reuters í boði Blackrock.

B-2 á Keflavíkurflugvelli

Neo-Con Bolton og kjarnorkubombur

Dísa ráðstýra hefur upplýst að utanríkisráðuneytið hafi verið í yfirgír að undirbúa komu B-2 til „...æfinga og dýpka áætlanir“. John Bolton er alræmdasti haukur; neocon Washington. Í grein í Wall Street Journal hvetur hann til beitingar kjarnorkuvopna gegn Rússlandi. Sömu kröfur eru meðal margra þingmanna vestanhafs. Er samhengi milli ummæla Bolton og komu B-2 til Íslands? Bitur Bolton skrifar að gagnsókn Úkraínuhers sé runnin út í sandinn vegna ráðleysis og aulagangs Biden; Paralyzed by fear. Þann 13. júlí sagði Biden í Helsinki að Pútin sé búinn að tapa stríðinu. Norrænir undirsátar bugtuðu sig fyrir senílum Biden. Ummælin vöktu athygli því Úkrar og Nato hafa farið mjög halloka í Úkraínu. Það vita allir sem vita vilja. Hvað átti Biden við? Var hann að hóta Rússum? Að hinar torséðu B-2 hervirki muni tortýma Rússlandi? Hvernig bregst Rússland við slíkri hótun? Blasir það ekki við. Tortýma þotunum. Í Úkraínu hafa Rússar sprengt vopnageymslur og neðanjarðar stjórnstöðvar í loft upp með Khinzal. Hundruð Nato-foringja hafa fallið.

400 þúsund úkrar fallnir

Um 400 þúsund Úkrar eru fallnir í stríðinu, 10 milljónir borgara hafa flúið land, þúsundir vestrænna stríðstóla gereyðilögð. Það átti að taka 5 daga gagnsókn til að kljúfa rússneskar varnarlínur, storma til Azovhafs, taka Krímskaga og hrekja Pútin frá völdum. Svona var málið lagt upp í vor. Úkraínski herinn hefur tapað nánast öllum orrustum og 30 þúsund hermönnum á rúmum mánuði, 75 þúsund fallnir í Bakmut. Úkraína eins og við þekkjum frá 1991 heyrir sögunni til vegna útþenslu Nato sem frá lokum Kalda stríðsins hefur miðað að því að lama Rússland og gera að leppríki.

Nú lóna kjarnorkukafbátar undan Helguvík, Ísland hervæðist á ofurhraða. Nato er árásarbandalag glóbalizta; ein veröld, ein alheimsstjórn. P-8 þotan sem sveimaði yfir Nord Stream þegar leiðslurnar voru sprengdar hóf sig til flugs frá Nato-Kef. Donald Trump vann sér til óhelgi að hætta Endalausum styrjöldum Nato og Ameríku; Balkanskagi, Afganistan, Írak, Lýbía, Sýrland, Súdan og nú Úkraína. Hann lýsti því yfir í ræðu hjá Sameinuðu þjóðunum. Hann var uppnefndur Pútin-leppur; Russia-Hoax. Hin mikla Her-Maskína sem Eisenhower varaði við 1961 líður ekki andóf og vill ekki frið. Valdarán átti sér stað í Washington 2020 þegar Biden ófær um heila hugsun staulaðist upp úr kjallaranum í Delaware.

Nú skal banna AfD

Seníll gerspilltur valdaræningi er við völd í Washington dettandi og þruglandi alla daga. Í vikunni boðaði hann „...New World Order and we need to lead it.“ Biden hefur lýðræði ekki í huga. Davíð Oddsson kallar drullumix Bidenfeðga „Mesta spillingarheykslið“. Hins vegar lýsir Andrés Magnússon ræðu Trump 6. janúar 2021 sem hneyksli. 45. forsetinn ávarpaði þá milljón Bandaríkjamenn sem höfðu ferðast til Washington til að mótmæla kosningasvikum Biden. Andrés og Kolbeinn eru vel lesnir í Reuters í boði Blackrock.

Glóbalizmi er ógn við lýræði í Evrópu. Der Spiegel og Daily Telegraph skýra frá því að í Þýskalandi séu uppi hugmyndir um að banna AfD; Alternativ für Deutchlandsem RÚV kallar hægri-öfgaflokk. AfD mælist með 21% fylgi og er bannið sagt „til varnar lýðræði“. Fylgislaus kanslari ætlar að bjarga lýðræðinu með því að banna næst stærsta flokk Þýskalands! Nigel Farage leiðtogi breskra sjálfstæðissinna var kastað á dyr af stórbanka. Farage er gert ókleift að fúnkera í bresku samfélagi, gerður brottrækur hrökklast úr landi. Zelinsky hefur aflýst öllum kosningum í Úkraínu, ofsækir andstæðinga, minnihlutahópa og trúaða þverbrýtur Helsinkisáttmálann frá 1975. Okkur er sagt að hin nazistavæna Úkraína sé útvörður vestræns lýðræðis með sýklasmiðjur Big Pharma í tugavís. Spyrjið: Til hvers? Blackrock sölsar undir sig lendur bænda og olíu úkraínsku þjóðarinnar. Zelinsky hefur afboðað kosningar í Úkraínu. Á Íslandi var læknirinn Kalli Snær kallaður til yfirheyrslu lögreglu kærður af Lyfjastofnun hótað fimm ára fangelsi fyrir að upplýsa um ágæti Ivermectin. Nú hefur FDA lyfjastofnun Ameríku heimilað sölu á Ivermectin. FDA bannaði Ivermectin í covid og uppnefndi hrossalyf; You are not a horse, you are not a cow auglýsti FDA. Gísli Marteinn á þríhjólinu sínu hneggjaði í sjónvarpsal. Ekkert lyf utan pensilíns hefur bjargað jafnmörgum mannslífum sem Nóbelslyfið. Það var engin veira í covid en umframdauði skiptir hundruðum hér á landi svo sem minningargreinar bera með sér, þúsundir hafa misst heilsu vegna vaksína í boði lyfjarisa. Hvaða segja foringjar í framvarðasveit ríkislögreglustjóra við því?

Ólöld og öngþveiti

Utanríkisráðuneytið hefur nógan tíma og pening til styrjaldarreksturs en hafði ekki tíma til að verja skipafélögin fyrir ofurskattheimtu Brussel. Dísu finnst sjálfsagt að Brussel skattleggi íslensk skipa- og flugfélög sem auðvitað lendir á herðum íslenskrar alþýðu. Dísa vill tilskipanir Brussel æðri íslenskum lögum og fullveldið í öskutunnu. Opin landamæri ala á öngþveiti og óöld sem grafa undan íslensku þjóð- og réttarríki. Erlendis eru tvær milljónir barna árlega hneppt í kynlífsþrælkun í skjóli opinna landamæra. Kata forráðstýra er sérlegur fulltrúi WHO sem boðar alræðisvald yfir Íslandi. Kata er sérlegur agent wefaranna í Davos. Dísa no. 2 svipti 150 hvalaveiðimenn vertíð með einu pennastriki og bannaði trillukörlum að róa. Ráðfreyjurnar hata litla manninn. Spyrjið: Af hverju? Biðja þarf fyrir Íslandi því klukkan glymur ... Guð blessi Ísland.