Loftslagskreppan er fjármálasvindl sem verður tafarlaust að stöðva

frettinGústaf Skúlason, Loftslagsmál1 Comment

Ron Johnson, öldungadeildarþingmaður.

Gústaf Skúlason skrifar:

Hvernig stendur á því, að valdhafar eyða svo gífurlegum fjárhæðum í „loftslagskreppuna“ á sama tíma og hún heldur bara áfram og versnar að sögn? Hver er skýringin? Ron Johnson, öldungadeildarþingmaður repúblikana, segir yfir 5 þúsundum milljörðum dollara hafi verið eytt á heimsvísu til að berjast gegn loftslagsbreytingum án árangurs.

Um hvað snýst svokölluð loftslagskreppa eiginlega? Ein aðferð til að skilja málið er að skoða þær gífurlegu upphæðir sem stjórnmálamenn henda í loftslagskreppuna sem samt heldur alltaf áfram. Það eina sem gerist er að peningum er mokað úr skattkistum jarðarbúa í gríðarlegt fjármálasvindl.

Fimm þúsund milljörðum dollara verið kastað á glæ

(samsvarandi 694.700.000.000.000.000 íslenskum krónum)

Á síðasta ári fullyrtu Sameinuðu þjóðirnar, að ekki væri lengur um „hnattræna hlýnun“ að ræða þar sem „stiknun heims“ hefði tekið við. Boðskapur SÞ var „stórslys“ plánetunnar nema að þjóðir heims beindu fjármunum skattgreiðenda þangað sem SÞ mælti með.

Einn þeirra sem hafa brugðist við þessari heimsendaspá er Ron Johnson öldungadeildarþingmaður repúblikana í Bandaríkjunum. Hann segir í viðtali við Fox News að ekkert sé tekið tillit til áhrif skýja og skýjamyndunar á loftslagið:

„Loftslagsviðvörunin grundvallast á slæmum vísindum. Loftslagið hefur alltaf breyst og mun alltaf breytast. Við höfum eytt fimm billjónum dollara (fimm þúsund milljörðum dollara) á heimsvísu í loftslagsbreytingar sem ekki hefur leitt til neins að mati loftslagsvarnarfræðinga. Hversu miklu meira eigum við að sóa?“

Eyðileggur efnahagskerfið

Að sögn Johnson leynist allt önnur dagskrá á bak við svo kallaða loftslagskreppu. Hún er tilraun glóbalistanna til að ná stjórn á lífi fólks. Ron Johnson segir:

„Öll þessi dagskrá loftslagsbreytinga er knúin áfram til þess að ná stjórn á lífi okkar. Þetta er eyðilegging á hagkerfi okkar sem skapar verðbólgu og hátt orkuverð.“

Sjá myndskeið að neðan:

One Comment on “Loftslagskreppan er fjármálasvindl sem verður tafarlaust að stöðva”

  1. Markmið valdaelítunnar er að gera almenning að ´hamingjusömum öreigum´. Manndjöflarnir sem stjórna heiminum sætta sig ekki við neina mótspyrnu eða andmæli. En til að plata almenning þarf þetta fólk að búa til aðstaðandi ´hættu´ sem þarf að bregðast við svo almenningur sætti sig við skert mannréttindi, persónufrelsi og efnahagsleg gæði. Ef lygin um ´loftslagsvánna´ er sögð nógu oft í fjölmiðlum þá fer fólk að trúa henni skilyrðislaust.

Skildu eftir skilaboð