Ísraelski kvikmyndagerðarmaðurinn Avi Barak lýsir því í meðfylgjandi myndbandi hvernig heilbrigðisráðuneytið í Ísrael eyddi þúsundum lýsinga ísraelskra borgara á aukaverkunum af Pfizer bóluefninu. Hér er hluti af því sem Barak segir frá.
„Að kvöldi 30.september sl. birti heilbrigðisráðuneytið facebook færslu um alvarlegar aukaverkanir Pfizer bóluefnisins og hélt því fram að efnið væri mjög öruggt og alvarlegar aukaverkanir væru nánast engar og þær fáu sem höfðu komið upp væru afar sjaldgæfar. Ráðuneytið nefndi hjartavöðvabólgu en sagði tilfellin vera einstaklega fá. Ráðuneytið sagði einnig að af þeim þremur milljónum Ísraela sem höfðu fengið örvunarskammt (þriðju sprautuna) hafi aðeins komið upp 19 tilfelli um alvarlegar aukaverkanir.
Meiripart þessa árs hafa yfirvöld í Ísrael ekki verið með neina vefsíðu sem hægt er að tilkynna um aukaverkanir eða annars konar vandamál tengdum bólusetningunum. Þegar þess konar vefsíða var loks sett upp, fékk hún sama sem enga umfjöllun í fjölmiðlum og flestir Ísraelar vissu því ekki af henni. Þar af leiðandi voru mjög fáar tilkynningar sendar inn og því virtist sem bóluefnið væri mjög öruggt. En raunin var sú að almenningur var ekki meðvitaður um að hann gæti og ætti að tilkynna aukaverkanir.
Það næsta sem gerðist var ekkert annað en sjokkerandi. Þetta kvöld og nóttina eftir (30.sept. þegar ráðuneytið skrifaði facebook færsluna) komu um 25 þúsund svör við færslunni frá Ísraelum sem frá fyrstu hendi lýstu í smáatriðum hvernig þeir sjálfir eða ættingjar þeirra höfðu orðið fyrir alls konar veikindum strax eftir bólusetninguna, sumir þeirra í langan tíma. Svörin vörðuðu alla þrjá skammtana en Ísrael er eina ríkið sem gefur öllum eldri en 12 ára þriðju sprautuna.
Auk þess er ríkisstjórn Ísraels að kalla inn bóluefnapassa þeirra sem hafa aðeins fengið tvo skammta. Það er gert þrátt fyrir að ríkisstjórnin hafi sjálf viðurkennt að faraldsfræðilega hafi þessir passar ekkert gildi. En þeir eru notaðir til að þvinga fólk til að fara í frekari bólusetningar enda eru passarnir skilyrði til að sækja viðburði o.fl. Meira að segja er þrýst á hópa sem bóluefnið (örvunarskammtur) hefur ekki verið samþykkt fyrir, nokkuð sem undirstrikar að Ísrael hefur boðið þjóð sína fram í áframhaldandi tilraunaverkefni.
En það er ekki það merkilegasta í þessari frásögn heldur sú staðreynd að þegar heilbrigðisráðuneytið tók eftir að „neikvæð" ummæli fóru að hellast inn við facebook færsluna, hóf ráðuneytið um leið að eyða út þúsundum svara. Af um 25 þúsundum svörum voru um 5000 þurrkuð út. Margir höfðu þó tekið skjáskot af svörum sínum sem sögðu meðal annars að um væri að ræða nýja kvilla sem þeir höfðu ekki glímt við áður. Aðrir sögðu frá því að undirliggjandi kvillar hefðu versnað eftir bólusetninguna og enn aðrir að þeir hefðu farið til læknis og hann sagt að fjöldi annarra sjúklinga hafi lýst svipuðum einkennum eftir bólusetninguna, t.d. sjóntruflunum, hjartavöðvabólgu, blæðingum úr móðurlífi, hjartaáföllum, andlitslömun og blóðtappa.
Hvað segir það okkur, þegar okkar eigin ríkisstjórn gerir allt sem í valdi hennar stendur til að þagga, afvegaleiða og breiða yfir upplýsingar varðandi bóluefnið og Covid-19?"
Nokkrir smærri fjölmiðlar sögðu frá atvikinu og ráðuneytið svaraði því til að það hafi aðeins eytt út ummælum sem innihéldu svivirðingar.
