Fréttinni hafa borist áreiðanlegar heimildir fyrir því að íslenskur grunnskólakennari á höfuðborgarsvæðinu hafi með lagalegum aðgerðum fengið undanþágu frá því að fara í sýnatöku við Covid þar sem pinna er stungið upp í nefgöng og ofan í háls. Kennarinn var skikkaður til að fara í sýnatöku eftir að smit kom upp í skólanum, ellegar skyldi hann ekki mæta til vinnu.
Rökin fyrir undanþágunni sem lögmaður sóttvarnaryfirvalda gefur eru að kennarinn hafi ríkra atvinnuhagsmuna að gæta sem snúa að raddheilsu kennarans varðandi listsköpun hans sem er þekkt á alþjóðavettvangi. Rökin eru einnig þau að kennarinn hafi orðið fyrir slæmri reynslu eftir samskonar sýnatöku síðastliðið sumar, þar sem honum blæddi eftir pinnann sem stungið var upp í nefgöng, þjáðist af þurrki í nefgöngunum og svima á eftir. Reynslan varð til þess að kennarinn er kvíðinn fyrir skimun sem þessari og fær af þeim sökum undanþágu frá þeim.
Umræddum kennara var skipað að fara í sýnatöku sjö dögum eftir að hafa kennt nemanda sem hafði mælst með jákvætt PCR próf, án þess þó að fá vitneskju um hvaða nemanda var um að ræða. Kennarinn fékk aðeins að vita hver árgangurinn væri sem nemandinn er í. Það var byggt á persónuverndarlögum en samkvæmt stjórnarskrá lýðveldisins er aldrei hægt að frelsissvipta nokkurn mann án þess að gefa þegar í stað upp ástæðu, en eins og áður segir var kennaranum meinað að snúa aftur til vinnu nema hann færi í skimun.
Kennaranum varð ljóst að með svo óljósar upplýsingar um mögulegan smitbera, þar sem liðin var vika frá samskiptum við nemandann, gætu sóttvarnayfirvöld í raun skikkað hvern sem er í ýmis konar „heilsutengdar" skimanir og próf, jafnvel vikulega, án þess að gefa upp ástæðu. Kennarinn sá sig því knúinn til að leita réttar síns og fékk með aðstoð lögmanns undanþágu frá sóttkví og sýnatökum við Covid þar sem oft á tíðum er ófaglært starfsfólk við störf.
Á meðan málið var í vinnslu var kennarinn fjarri störfum í fjóra daga þar sem honum var gert að koma ekki nálægt vinnustað sínum fyrr en hann hafði undirgengist skimun, heillri viku eftir að hafa umgengist nemandann.
Kennarinn byggði beiðni sína um undanþágu jafnframt á þeirri staðreynd að í nokkrum Evrópuríkjum hafi fallið dómar um að ekki sé hægt að þvinga fólk í skimanir sem þessar, slíkt sé ólögleg frelsissvipting og eins hefur komið í ljós að með fjöldi snúninga í PCR prófunum er nánast hægt að fá hvaða niðurstöðu sem er.
Eftir að hafa sent beiðni um endurskoðun og undanþágu frá skimun og sóttkví til sóttvarnaryfirvalda leið aðeins sólarhringur þar til kennaranum var veitt undaþága. Honum var þó gert að fá læknisvottorð sem staðfesti kvíðann gagnvart prófunum.
Hér hefði kennarinn getað farið í dómsmál gegn sóttvarnarlækni, ef málið hefði ekki leysts svo hratt og vel, kennaranum í vil.
Sóttvarnaryfirvöld virðast fara mikinn þessa dagana í að fá sem flesta nemendur og kennara í skimun og spyrja má hvort það sé ef til vill gert í þeim tilgangi að hækka smittölur og þá sérstaklega tölur grunnskólabarna undir 12 ára aldri sem eru óbólusett við Covid, en til stendur að bólusetja.
Fréttin sagði frá því nýlega að Sóttvarnarstofnun Bandaríkjanna (CDC) hafi sett sjúkrahúsum reglur um skráningar á bólusettum og óbólusettum sjúklingum, þar sem tilgangurinn var augljóslega að beita blekkingum með því að „hagræða" tölum, Covid bólusettum í vil.
