„Sjálfstæð og óháð" staðreyndavakt, betur þekkt undir nafninu "fact-checkers" á Facebook er ekki svo óháð eftir allt saman. Hlutverk vaktarinnar er að  koma í veg fyrir „rangar" upplýsingar um Covid og bóluefnin. Margir nota vaktina máli sínu til stuðnings og þá sérstaklega gegn þeim sem birta aðrar upplýsingar um Covid bóluefnin en  helstu fjölmiðlar heims gera. Þeir sem styðjast við "fact-checkers" telja sig oft vera með hið eina rétta í umræðunni.

Bandarískur þingmaður efast um  Fact Check.org því þeir sem kanna „staðreyndir" og  upplýsingar um bóluefnin eru beinir hagsmunaaðilar lyfjafyrirtækjanna sem fjármagna þessa svokölluðu "fact-checkers". Fjárfestarnir eiga til dæmis stóran hlut í fyrirtækinu Johnson &Johnson sem framleiða Janssen bóluefnið sem kemur frá Bandaríkjunum.

Komið hefur í ljós að stofnunin Robert Wood Johnson er ein af þessum fjármögnunaraðilum en stofnunin á milljarða dollara í hlutabréfum Johnson & Johnson. Forstjóri sjóðsins er Richard Besser sem er fyrrverandi forstjóri Sóttvarnarstofunar Bandaríkjanna (CDC).

Það þótti nokkuð merkilegt að staðreyndavaktin svokallaða dúkkaði skyndilega upp af miklum krafti eftir að Covid bóluefnin litu dagsins ljós og nú er komin skýring á henni.  Þarna er um beina hagsmunaaðila að ræða og því ekki hægt að taka mark á „staðreyndum" þeirra sem endurspegla ekki endilega sannleikann.  Merkilegt er að Facebook hafi ekki enn lokað á staðreyndavaktina í ljósi vitneskju um þessi augljósu hagsmunatengsl.

Sjá myndband hér neðar, RT fréttastofan greindi einnig frá.