Samkvæmt nýrri rannsókn var eitt af hverjum 500 börnum yngri en fimm ára sem fengu Pfizer mRNA Covid „bóluefnið“ var lagt inn á sjúkrahús með bóluefnaskaða og eitt af hverjum 200 var með einkenni vikum eða mánuðum síðar.

Rannsóknin sem birt var í JAMA 18. október náði til 7.806 barna, fimm ára eða yngri, sem var fylgt eftir í að meðaltali 91,4 daga eftir fyrstu Pfizer sprautuna.

Um var að ræða hóprannsókn sem framkvæmd var með netkönnun (svarhlutfall 41,1%) vorið 2022 og náði til foreldra eða umönnunaraðila sem skráðu börn í C-19 bólusetningu í Þýskalandi. Aukaverkanirnar voru bornar saman við aukaverkanir sömu barna eftir annars konar bólusetningar.

Í rannsókninni kom fram að einkennin sem greint var frá eftir Pfizer bólusetningu væru „sambærileg í heildina“ og fyrir önnur bóluefni, en mun algengari eins og:

Hvers kyns einkenni: 62% algengari
Einkenni frá stoðkerfi (vöðvum og beinum): 155% algengari
Einkenni á húð: 118% algengari
Einkenni í eyrum, nefi og hálsi: 537% algengari
Hjarta og æðakerfi: 36% algengari
Meltingarfæri: 54% algengari

Hjá 0,5% barnanna (40 af 7.806) voru einkenni „viðvarandi og því þýðing þeirra óþekkt“. Þetta er rannsókn með tveggja til fjögurra mánaða eftirfylgni. Það þýðir að 0,5% barna höfðu upplifað skaðlegar afleiðingar sem stóðu yfir í margar vikur eða mánuði. Í tveimur tilfellum (0,03%) var staðfest að einkennin hefðu staðið lengur en 90 daga.

Tíu börn voru lögð inn á sjúkrahús með tilkynntar alvarlegar aukaverkanir, samanborið við ekkert barn vegna annarra bóluefna. Hlutfallið er 0,1%, þ.e.a.s. tíu af 7.806 börnum.

Hins vegar kemur einnig fram í rannsókninni að engar sjúkrahúsinnlagnir hafi verið tilkynntar hjá börnum sem fengu lágan skammt, eða 3 μg. Það sem þetta segir okkur líka er að 6.033 börn fengu að minnsta kosti einn skammt sem var yfir 3 μg (eða óþekktur skammtur), þá er hlutfallið í viðkomandi árgangi nær 0,2%, eða um einn af hverjum 500.

Fjórar sjúkrahúsinnlagnanna voru vegna hjarta- og æðaskaða og eitt barn var lagt inn á sjúkrahús eftir báða skammtana af þessum sökum. Fjórar innlagnir tengdust lungum.

Einkenni barnanna á sjúkrahúsi stóðu að meðaltali í 12,2 daga og að hámarki í 60 daga. Enginn greindi frá hjartavöðvabólgu. Ekki var tilkynnt um dauðsföll í þessu tiltölulega litla úrtaki.

Dánartíðni óþekkt meðal svona ungra barna - „bólusetning“ brjálæði

Sýnt hefur verið fram á að dánartíðni  af Covid hjá yngri en 20 ára sé 0,0003%. Talan fyrir yngri en fimm ára er enn lægri. En jafnvel þótt við gerum á óraunhæfan hátt ráð fyrir að þetta sé dánartíðni yngri en fimm ára og bóluefnin lækki hana í núll, þýðir það samt að að minnsta kosti 500 börn eru lögð inn á sjúkrahús fyrir hvert líf sem bóluefnin hugsanlega bjarga. Raunveruleikinn er líklegast sá að þessi mRNA tilraunaefni eru mögulega ekki að bjarga neinu barni.

Þrátt fyrir þessar staðreyndir hefur Lyfjastofnun Evrópu nýlega heimilað „bólusetningu“ þessara ungu barna með C-19 mRNA tilraunaefnunum og Sóttvarnarstofnun Bandaríkjanna (CDC) fundaði um málið á fimmtudag og föstudag varðandi það að C-19 „bólusetningu“ yrði bætt við barnabólusetningaráætlun stofnunarinnar. Þetta var samþykkt einróma.

Hér virðist það nokkuð ljóst að málið snýst um peninga en ekki heilsu barnanna.