COVID-19 „bóluefnið“, frá Pfizer gengur meðal annars undir nafninu "clot-shot" á ensku eða „blóðtappaskot“, og nú er komin út ný rannsókn sem sýnir að nýja Covid lyfið Paxlovid frá Pfizer geti einnig valdið banvænum blóðtappa.

Mælt er með Paxlovid, sem er fimm daga meðferð, fyrir þá sem eru með væg einkenni af Covid en taldir í hættu á spítalinnlögn vegna sjúkdómsins.

Hinir margbólusettu Joe Biden Bandaríkjaforseti, Anthony Fauci sóttvarnarlæknir og Albert Bourla, forstjóri Pfizer, eru allir sagðir hafa fengið lyfið þegar þeir greindust með Covid-19. Fauci versnaði þó eftir sína lyfjameðferð.

„Rannsakendur frá Lahey sjúkrahúsinu og læknamiðstöðinni í Harvard og öðrum bandarískum stofnunum komust að því að Paxlovid geti aukið hættuna á að fá blóðtappa þegar það er tekið með blóðþynningarlyfjum,“ sagði Daily Mail.

Ef Paxlovid er ávísað ásamt kransæðasjúkdómalyfjum getur það aukið hættuna á blóðtappa og ef gefið með ónæmisbælandi lyfjum getur Paxlovid valdið eitrun í blóði, segir í rannsókninni.