Formaður BHM, Friðrik Jónsson, „sagði það upphátt“ á síðasta ári. Hann sagði það ekki lengur verjandi að láta jafnt yfir alla ganga, bólusetta sem óbólusetta. „Fyrir utan veiruna sjálfa séu þeir sem láti ekki bólusetja sig vegna leti, sérvisku eða samsæriskenninga stærsta ógnin við heilbrigðiskerfið,“ sagði Friðrik.
Friðrik er einn þeirra mörgu sem lét „sérfræðingana“ plata sig og tók undir áróðurinn með tilraunaefnið, þar á meðal frá Pfizer, sem aldrei var prófað hvort kæmi í veg fyrir smit. Friðrik vísaði í skrifum sínum í tölur Landspítalans sem sögðu að af þeim sjö sem þá voru á gjörgæsludeild Landspítalans hafi fimm verið óbólusettir.
Það fylgdi þó ekki sögunni að Landspítalinn flokkaði sjúklinga sem „óbólusetta“ eða „vanbólusetta“ sem höfðu fengið eina sprauta og/eða að ekki væri nægur tími liðinn frá „bólusetningunni“. Fólk sem hafði því fengið sprautuna og veikst skömmu síðar, eins og mörg dæmi voru um, flokkaðist sem „óbólusett“ eða „vanbólusett“. Einhverjir myndu telja þetta fals á tölfræði.
Rannsókn íslenskra lækna sem birtist á síðasta ári með „óvinsælli niðurstöðu“ var haldið frá umræðunni. Flestir fjölmiðlar létu eins og hún væri ekki til þrátt fyrir að hafa birst í hinu þekkta læknatímriti JAMA. Niðurstöðurnar sýndu að líkur á endursýkingu jukust eftir því sem tíminn leið frá fyrstu sýkingu og að líkurnar voru meiri hjá þeim sem höfðu fengið tvo eða fleiri skammta af bóluefninu, samanborið við þá sem höfðu fengið einn skammt eða engan.
Landspítalinn hætti fyrir þó nokkru að birta bólusetningastöðu þeirra sem létust af Covid. Landlæknisembættið og Landspítalinn sögðust ekki ekki lengur geta birt upplýsingar um bólusetningastöðu þeirra látnu á sama tíma og umframdauðsföll náðu methæðum. En önnur ríki, t.d. England, héldu áfram að birta sínar tölur sem sýndu að 92% Covid-andláta á síðasta ári voru meðal bólusettra.
Sjóðir BHM að tæmast
Í vikunni voru sagðar fréttir af því að félagsmenn BHM væru mikið veikir og því ekki lengur hægt að fá styrki í ýmsum málaflokkum. Ástæðan er stóraukin sókn félagsmanna í sjúkradagpeninga sem er í forgangi hjá félaginu. Framkvæmdastjóri BHM, Gissur Kolbeinsson, sagðist vonast til að heilsan fari að batna hjá félagsmönnum eftir því sem fjær liði kórónuveirufaraldrinum.
Þar með er gefið til kynna að veikindi félagsmanna séu vegna Covid. Gera má þó ráð fyrir að langflestir félagsmenn BHM hafi látið sprauta sig, því varla er mikið af „letingjum, sérvitringum eða samsæriskenningafólki“ þar að finna. Og ekki hafa félagsmenn viljað sitja undir svívirðingum formannsins.
En hvers vegna er fólkið svona veikt?
Fréttin sendi póst á þá Friðrik og Gissur á miðvikudag og spurði hvað gæti skýrt þessi miklu veikindi félagsmanna þeirra. Greinin verður uppfærð þegar svarið berst.
Telur Friðrik þá sem ákváðu að taka ekki þátt í stærstu og misheppnuðustu lyfjatilraun sögunnar enn vera stærstu ógnina við heilbrigðiskerfið?
Twitter færsla Friðriks:
3 Comments on “Formaður BHM vildi að bólusettir nytu meiri réttinda en óbólusettir – sjúkrasjóðir að tæmast”
Já, svo getur virst að slíkar skoðanir sem hvetja til mismununar fólks njóti stuðnings stórs hóps fyrir ári síðan. Réttarríkið hefur gert hið sama. Fór með “mismununarmál” fyrir Landsrétt og staðfesti í dómsniðurstöðu “réttmæti” mismununar og vísaði í sóttvarnalög til stuðnings þó væri í andstöðu við stjórnarskrá landsins. Kýrhausarnir hafa verið kýrskírir hvað það varðar að snupra mannréttindi okkar gefa undan fyrir valdi stjórnríkisins og fórna réttindum almennings. Það auðvitað miður og ólíðandi réttarkerfinu
Nú eru heiður hans og sæmd að engu orðin og þar með glatar hann trúverðugleika sínum héðan í frá og framvegis og endar sem einn af mörgum sem hefur verið hent út úr kerfinu vegna fáfræði og fordóma.
Ég mæli með að fólk lesi bókina “the Deliberate Dumbing Down of America” eftir Charlotte Iserbyt. Hún sýnir fram á það, með staðreyndum, að menntakerfið refsar þeim sem hafa sjálfstæða hugsun, og verðlaunar “páfagaugs greind”.