Hallur Hallsson skrifar:

Petro Poroshenko er maðurinn sem hóf styrjöldina í Úkraínu þegar hann sigaði úkrönskum hersveitum á rússneska íbúa Austur-Úkraínu vorið 2014. Poroshenko var kjörinn forseti 25. maí 2014 eftir blóðugt vestrænt valdarán í Úkraínu á útmánuðum 2014; Coup d‘état. Fjörtíu og tveir voru skotnir til bana af leyniskyttum á Sjálfstæðistorginu í Kænugarði, fjörtíu og átta Rússar brenndir inni í Alþýðuhúsinu í Odessa. Á átta árum 2014-2022 féllu að minnsta kosti 14.000 manns í Donbass, þar af féllu og særðust 1.500 börn. Poroshenko er hatursfullur maður: „Börn þeirra [Rússa] munu hírast í kjöllurum ... þannig vinnum við styrjöldina,“ sagði hann haustið 2014. Vestrænir fjölmiðlar kölluðu valdaránið Colour Revolution því til dýrðar. Rússneskir íbúar Donbass og Luhansk lýstu sjálfstæði og ákölluðu Rússland um hjálp. Síðla árs 2015 voru Azov-nazistar teknir í úkraíska herinn og sendir í fremstu víglínu gegn óbreyttum borgurum. Þar var að verki Petro Poroshenko. Frægt er samtal Victoríu Nuland aðstoðarutanríkisráðherra USA plottandi með sendiherra sínum í Kænugarði, dreifandi kökum, fimm milljörðum dollara var varið til „...frelsis og lýðræðisvæðingar Úkraínu.“ Í valdaráninu mun CIA hafa lagt undir sig tvær efstu hæðir höfuðstöðva Öryggissveita Úkraínu SBU.

Helsinki-sáttmálinn & Minsk samningarnir

Petro Poroshenko margbraut Helsinki-sáttmálann frá 1975 um mannréttindi minnihlutahópa; frelsi til að mæla á eigin tungu og rækta eigin menningu; börnum var bannað að tala rússnesku í skólum og þau látin hírast í kjöllurum. Helmut Khol kanslari og James Baker utanríkisráðherra USA höfðu árið 1990 lofað Mikhail Gorbatsjov forseta Sovétríkjanna að Nato færi ekki þumlung austur ef Þýskaland yrði sameinað; Not-An-Inch-East. Það loforð hefur verið margsvikið af heimsvaldasinnuðum glóbaliztum sem nú ráða Vesturlöndum. Á fundi 2008 í Búkarest lagði Nato upp í misheppnaðar Úkraínu og Georgíu vegferðir sínar. Poroshenko braut Minsk-samningana 2014-2015. Angela Merkel kanslari sagði í desember 2022 að í Minsk hefðu Vesturlönd unnið tíma til þess að vígvæða Úkraínu. Ásamt herförinni austur sótti Poroshenko um aðild að ESB. Áform glóbalizta nú eru skýr og skorinorð undir forystu Criminal-Biden í Hvíta Húsinu.

Poroshenko „geðfelldur og heillandi“

Björn Malmquist hitti  Poroshenko á götu í Brussel. Á Morgunvakt Rásar 1 boðaði hann ítarlegt viðtal við súkkulaðikónginn sem hann kveður„geðfelldan og heillandi“. Björn var með manninum sem hafði hleypt af stað styrjöld sem háð er með amerísku og evrópsku fjármagni og vopnum. Það eru bara örfáir fréttamenn sem á þessum örlagatímum hafa fengið tækifæri sem Malmquist. Veröldin er á barmi  heimstyrjaldar og íslenskur fréttamaður fékk tækifæri til að spyrja manninn sem hratt af stað stríðinu í Úkraínu sem magnaðist með innrás Rússa. Ef draumar Kötu Jak og Poroshenko um úkraínska Nato-aðild rætast þá er skollin á heimstyrjöld helstu kjarnorkuvelda heims. Litla Ísland með kjarnorkukafbáta í Helguvík og Nato-herstöð á Miðnesheiði skotmark? P-8 ratsjárþota sem tók á loft frá Keflavík sveimaði yfir Nord Stream þegar gasleiðslurnar sprungu 26.09.2022. Biden boðar klasasprengjur til Úkraínu. Á fundi með fréttamönnum kvaðst Biden verða að grípa til klasasprengja því Ameríka sé uppiskroppa með skotfæri; ammunition.

Malmquist spurði einskis

Ég hlustaði á viðtal Malmquist við Poroshenko og varð hissa, eiginlega kjaftstopp, tólf mínútur um ekki neitt, sjálfsagt eins og samtal Bjarna Ben. Björn spurði einskis um átta ára herför Poroshenko og Zelinsky í Donbass né nefndi Malmquist rússnesku börnin í kjöllurum Donbass. Ekkert um Helsinki-sáttmálann né Minsk-samningana. Hvernig mátti það gerast? Björn telur úkraínska þingið sameinað þegar fyrir liggur að innlendir andstæðingar stríðsins eru ofsóttir, fangelsaðir og drepnir. Orthódox fólk er ofsótt, kirkjur þeirra eyðilagðar og brenndar sem er brot á Helsinki-sáttmálanum. Kosningum 2024 hefur verið aflýst. Hann segir úkraínska herinn telja milljón manns, stærsta í Evrópu. Fyrir innrás Rússa taldi úkraínski herinn um 600 þúsund manns, fastaher og varalið. Um fjögur hundruð þúsund eru fallnir eða særðir. Úkraínski herinn hefur goldið afhroð. Malmquist spurði einskis. Sjötíu og fimm þúsund sagðir fallnir bara í orrustunni um Bakhmut. Í viðtalinu var Malmquist sem kynningarfulltrúi Poroshenko.

Björn í Vilinius - Kata kyssir & knúsar

Svo fór Björn á Nato-fundinn í Vilníus í Litháen þar sem Kata kyssti og knúsaði karlana; innvígður og innmúraður költbragur á Kötu. Svíar stálu senunni með aðild að Nato. Zelinsky var með fýlusvip því ekki fæst aðild fyrr en „...skilyrðum er mætt.“ Úkraínu var ekki boðið inn. Úkraína í Nato er ekki að gerast. Draumur Kötu því brostinn svo bið verður á að Ísland lýsi stríði á hendur Rússlandi. Tillaga lögð fram í bandaríska þinginu: USA úr Nato! Ekki bofs frá Kötu um Ísland úr Nato! Gagnsókn Úkra gengur afleitlega, skotfæri búin og Ameríka leitar útgöngu, segja sumir fréttaskýrendur. Á einum mánuði munu 26 þúsund úkraínskir hermenn hafa fallið í gagnsókn Úkraínu og 1.250 skriðdrekum og hertólum eytt. Auðvitað ómakar Björn sig ekki um smáatriði.

Fjöldagröf í Kharkiv

Ég hef sagt ykkur frá fjöldagröf rússneskra ungbarna í Kharkiv sem Evrópuráðið gerði skýrslu um 2006 og BBC flutti fréttir um. Börnin voru tekin af rússneskum mæðrum. Ári síðar var borin fram fyrirspurn í Evrópuráðinu um fjöldamorð hundruð ungbarna. Fréttamaður RÚV í Brussel hefur hvorki fjallað um stofnfrumu né líffæra bransann í Úkraínu né amerískar sýklasmiðjur og tengsl við Hunter Biden. Auðvitað ekkert um starfsemi lyfjarisa í Austurvegi. Ekkert að frétta af kröfu Joe Biden á hendur Poroshenko að reka saksóknara. Allt er þetta staðfest. Joe Biden hefur stært sig af brottrekstri saksóknara.

Verður viðtalið kennslugagn?

Sannleikurinn lifir, lygin morknar, vindar snúast. Þöggun RÚV sundrar þjóðinni en sameinar ef ólíkar skoðanir heyrast. RÚV þaggar grein mína og fjölda annarra. Þeirra er valdið en sú tíð kemur að greinar mínar verða rifjaðar upp og dæmdar. Við spyrjum að leikslokum. Verður nafn Malmquist órofa tengt viðtali við einn helsta leikanda sviðsins, manns sem fór með stríði gegn óbreyttum borgurum og börnum; hratt af stað heimstyrjöld og RÚV úti á þekju. Verður Malmquist-fréttamennska kennslugagn komandi kynslóða?

Björn Malmquist er í framvarðasveit ríkislögreglustjóra í skjóli valds flytjandi ríkisáróður. Hann er innvígður og innmúraður rúvískri glóbal-klíku sem hefur gert íslenskan þjóðarmiðil að málpípu hermaskínu Nato sem og kemískra vaksína Big-Pharma. Ætla má að Björn og félagar séu ánægðir því stuðningur landsmanna við stríðsrekstur í Úkraínu mælist hvergi meiri á Vesturlöndum. Þeim ætti að vera brugðið að Ísland er í forystu Evrópuríkja er lýtur að umframdauða vegna covid sem í maí og júní var +20% frá meðalári; því fleiri örvunarsprautur, því fleiri covidsýkingar, spítalavistir og dauði. RÚV þegir og þaggar en klukkan glymur ... dong, dong, dong.