Menn hætta starfinu með því að gagnrýna Fauci – einn mesta fjöldamorðingja sögunnar?

thordis@frettin.isIngibjörg Gísladóttir, Pistlar1 Comment

Lara Logan, blaðamaðurinn víðþekkti, var með þátt á Fox News þar til að hún líkti Dr. Anthony Fauci við Dr. Mengele, nazistalækninn alræmda. Eftir það hefur lítið borið á henni þar. Hún er þó hvergi hætt að gagnrýna Dr. Fauci og segir það fullum fetum þeim sem vilja hlusta að hann gæti vel verið mesti fjöldamorðingi sögunnar. Í broti af viðtali hjá Ivory Hecker minnist hún á viðbrögð hans við yfirstandandi kóvíðfaraldri og rifjar upp svarta sögu hans í Afríku varðandi bóluefni, en þaðan er Lara Logan upprunnin. Hún segir að sannanir fyrir glæpum hans séu allar fyrir hendi en Bandaríkjamenn séu bara svo fljótir að gleyma.

Það var í nóvember sem leið sem Lara líkti Fauci við Mengele en snemma í desember kærði lögfræðingurinn Hannah Rose, ásamt Dr. Mike Yeadon, Piers Corbyn og öðrum, Dr. Fauci, fyrir hönd allra Breta, til Alþjóðaglæpadómstólsins fyrir glæpi gegn mannkyninu í tengslum við kóvídfaraldurinn. Rose byggði kæruna á Nuremberg sáttmálanum sem hún vill meina að hafi verið margbrotinn í Bretlandi í faraldrinum. Hún segir að þvingunarlaust og upplýst samþykki þurfi að vera fyrir hendi fyrir inngripum í líkamann og að skylt sé að ræða aðra meðferðarmöguleika. Vitað sé að „bóluefnin“ hafi valdið dauða margra og alvarlegum skaða annarra (svo sem fötlun og lömun) en samt hafi ríkisstjórnin ekki fyrirskipað rannsókn á málinu. Í kærunni um brot á Nuremberg sáttmálanum eru Bill og Melinda Gates, Fauci og Peter Daszak (forstjóri Eco Health Alliance) efst á blaði en einnig eru þar nöfn forstjóra Pfizer, Moderna, Astra Zeneca og Johnson & Johnson. Tedros hjá Alþjóðaheilbrigðismálastofnuninni er þar líka, einnig Boris Johnson forsætisráðherra, helstu forkólfar heilbrigðismála í Bretlandi, Dr. Rajiv Shaf sem er æðstur hjá Rockefeller stofnuninni (kemur úr skóla Klaus Schwab) og svo Schwab sjálfur, forseti World Economic Forum.

Sannsögli virðist ekki einn af kostum Fauci því hann þvertók fyrir það að Bandaríkin hefðu fjármagnað rannsóknir á virkniaukningu (e. gain of function) kórónavírusa úr leðurblökum í Wuhan rannsóknastöðinni í Kína. „NIH hefur aldrei og ekki nú fjármagnað virkniaukarannsóknir,“ sagði Fauci í maí 2021, nokkuð sem Bandaríska lýðheilsustofnunin (NIH) viðurkenndi í október á síðasta ári að hún hefði gert. Hann er gott dæmi um einstaklinga Djúpríkisins, maður með gífurleg völd óháður ríkisstjórnum og utan við lög að því er virðist. Í október á síðasta ári birti Forbes grein um að hann hefði fengið kauphækkun í tíð G.W. Bush, úr 200.000 USD á ári í 335,000 fyrir að vinna að vörnum gegn faröldrum eins og Covid-19. Því væri það meira en bara kusk á hvítflibbann ef það sannaðist að hann hefði orðið valdur að kóvíðfaraldrinum með því að styrkja rannsóknastöðina í Wuhan til að virkniauka vírusa úr leðurblökum svo þeir gætu auðveldar smitað menn. Þar sem Fauci er æðsti maður heilbrigðiskerfis Bandaríkjanna er mjög ótrúlegt að hann hafi ekki vitað hvað menn voru að bralla í Wuhan.

Republikanar hafa sumir þrýst á Fauci að segja af sér vegna fjármögnunar ólöglegra rannsókna í Wuhan og hafa Rand Paul (sem er læknir) og Roger Marshall verið þar í fararbroddi en Fauci situr enn í embættum sínum. Hversu lengi enn veit enginn en tíminn vinnur ekki með honum því hann er kominn yfir áttrætt. Kerfið styður þó sína menn og þann 17. mars 2022 mátti sjá á Zerohedge að blaðamaðurinn sem opinberaði fjármál Fauci, Adam Andrzejewski, hefði verið rekinn frá Forbes. Hann segir sjálfur að innan 24 stunda eftir að tölvupóstur hafi verið sendur frá NIH hafi Forbes sett nýjar reglur og bannað sér að skrifa um Fauci og um tíu dögum síðar hafi hann ekki lengur verið pistlahöfundur þar.

Það fylgir því greinilega viss áhætta að gagnrýna Anthony Fauci eða birta upplýsingar um hann.

One Comment on “Menn hætta starfinu með því að gagnrýna Fauci – einn mesta fjöldamorðingja sögunnar?”

  1. Dr. Fauci, (Fási falski), er maður sem ég treysti ekki „fyrir fimm-aura“, og hefi ekki trúað einu einasta orði sem hann segir.

Skildu eftir skilaboð