Grímuskylda leiddi til hærri COVID-19 dánartíðni, samkvæmt nýrri skýrslu þar sem dánartíðni var greind í Kansas í Bandaríkjunum.

Rannsóknin „The Foegen Effect: A Mechanism by which facemasks Contribute to the COVID-19 Case Fatality rate“ – var birt í tímaritinu Medicine í febrúar 2022. Höfundurinn er þýskur læknir, Zacharias Fögen.

Kannað var „hvort grímuskylda hafi haft áhrif á dauðsföll í Kansas á tímabilinu 1. ágúst til 15. október 2020. Kansas var notað til samanburðar vegna þess að ríkið heimilaði sínum 105 sýslum að ákveða hvort grímuskylda yrði innleidd eða ekki. 81 sýsla ákvað að innleiða ekki skylduna.

„Mikilvægasta niðurstaðan úr þessari rannsókn er sú að öfugt við þá almennu hugsun að færri muni deyja ef grímur eru notaðar þar sem þær minnkuðu sýkingartíðni, þá var það ekki raunin,“ segir í rannsókninni.

„Niðurstöður úr þessari rannsókn benda eindregið til þess að grímuskylda hafi í raun valdið um það bil 1,5 sinnum fleiri dauðsföllum, eða 50% fleiri samanborið við enga grímuskyldu.

Ástæðan er talin vera sú að „veiruagnirnar fara (vegna smæðar sinnar) dýpra inn í öndunarfærin.

„Þær fara framhjá berkjum og er andað djúpt inn í lungnablöðrurnar, þar sem þær geta valdið lungnabólgu í stað berkjubólgu, sem væri dæmigert fyrir veirusýkingu.

„Þessar niðurstöður benda til þess að grímunoktkun geti skapað aðra hættu sem enn er óþekkt í stað þess að vernda notandann, sem gerir grímuskyldu að umdeilanlegu faraldsfræðilegu inngripi,“ segir í niðurstöðum blaðsins.

Rannsóknin kemur í kjölfar annarrar nýlega birtrar greiningar á alþjóðlegum gögnum sem sýna sama samband milli COVID-19 og gríma.

Bresk rannsókn - örplastagnir í lungum

Þá segja niðurstöður breskrar rannsóknar frá því að trefjar úr örplasti hafi fundist djúpt niðri í lungum næstum hvers einasta einstaklings sem tekið var sýni úr.

Rannsakendur fundu örplastagnir, sem eru í mörgum COVID-19 grímum, í lungnavef á 11 af 13 sjúklingum sem voru á leið í aðgerð.

Pólýprópýlen (PP) og pólýetýlen tereftalat (PET) voru algengustu efnin sem fundust í lungum.

Það voru vísindamenn við læknaháskólann Hull York Medical School í Bretlandi sem uppgötvuðu efnin í lungum fólks. Sumir þráðanna voru tveir millimetrar að lengd hjá sjúklingum sem voru á leið í aðgerð og sem úr voru tekin sýni.