Aðsend umfjöllun: Eldur Deville

World Professional Association for Transgender Health (WPATH) vitnar í barnaníðingavettvang og dregur úr aldurstakmörkunum fyrir „kynþroskablokka“ og kynfæraskurðaðgerðir.

World Professional Association for Transgender Health (WPATH) hefur gefið út endanlega útgáfu af uppfærðum leiðbeiningum um umönnunarstaðla (SOC8). Á meðal ráðlegginga er að lækka lágmarksaldur barna sem fá „kynþroskabælandi“ lyf og kynhormón niður í 9 ára aldur. Einnig hefur verið slakað á aldurstakmörkunum vegna skurðaðgerða.

Fallið frá aldursviðmiðum

Í breytingu frá fyrri ráðleggingum er ekki mælt með sérstökum lágmarksaldri sem viðmiðunarmörkum. WPATH hafði áður gefið út sérstakar leiðbeiningar um aldur. Mælt var með hormónameðferðum frá 14 ára aldri og tvöföldu brjóstnámi fyrir 15 ára og eldri. Brjóstastækkun og „andlitsfemíniseringaraðgerðir“ fyrir 16+, og 17+ fyrir skurðaðgerðir á æxlunarfærum, eins og t.d. legnámi.

WPATH hafði einnig mælt með 18 ára aldurstakmarki fyrir “phalloplasty”, sem gengur út á það að búa til getnaðarlim, sem er alveg óstarfhæfur. Þá er húð tekin ýmist af handlegg eða læri og rúllað upp í pylsu sem er saumuð á. Fáar slíkar aðgerðir geta talist vel heppnaðar.

Þann 15. september gaf WPATH skyndilega út leiðréttingu, þar sem þessar tilteknu aldursreglur voru fjarlægðar, þrátt fyrir stigvaxandi gagnrýni og áhyggjur af læknisfræðilegri misnotkun barna. Nýju viðmiðin vekja áhyggjur af huglægni, þar sem þau virðast opna á að læknar geti stöðvað kynþroska barna. Til dæmis með kynþroskabælandi lyfjum, krosskynja hormónum eða skurðaðgerðum fyrir börn sem hafa byrjað á Tanner stigi 2 kynþroska, sem á sér stað á aldrinum  9-11 ára.

Í kafla SOC8 leiðbeininganna sem bera titilinn „Samantektarviðmið fyrir unglinga,“ (e. Summary Criteria for Adolescents) segir WPATH að „kynþroskabælandi lyf“ megi gefa börnum er komin á  Tanner stig 2.  Þetta er svo ítrekað síðar í ritinu undir ráðleggingum um „hormónameðferð“.

Gelding og áhugaleysi fyrir lífstíð

Með tilliti til skurðaðgerða, þá mælir WPATH með að minnsta kosti 12 mánaða „hormónameðferð“ áður en einstaklingur getur fengið „kynstaðfestandi” skurðaðgerðir, þar með talda brjóstastækkun, geldingu (fjarlæging eistna), legnám, gervipíkuaðgerð, gervilimsaðgerð, andlitsaðgerð o.s.fr.v.

Ákvörðunin um að miða við Tanner Stig 2 virðist hafa verið gerð að beiðni núverandi forseta WPATH, Marci Bowers. Fyrr á þessu ári sagði Bowers, sem skilgreinir sig sem transkonu, í pallborðsumræðum fyrir Duke háskólann, að börn sem hafa verið stöðvuð á kynþroskaskeiði fyrir Tanner Stig 2, muni aldrei upplifa eðlilega kynferðislega löngun eða geta fengið fullnægingu á fullorðinsárum sínum.

„Það sem ég tók eftir,“ sagði Bowers, „er að hvert einasta barn eða unglingur sem fékk kynþroskabælandi lyf á Tanner stigi 2, sem er byrjun líkamlegs kynþroska, þegar hormón byrja að gera barn fullorðið, hefur aldrei fengið fullnægingu [eftir að fullorðinsaldri var náð]. Ég meina, við erum að tala um ekki eitt einasta.“

Hugmyndafræði kynjafræðinga sýkir læknavísindin

Samkvæmt leiðréttingunni 15. september var eftirfarandi yfirlýsing fjarlægð úr leiðbeiningum til heilbrigðisstarfsfólks: „Mikilvægt er að fyrir hverja kynstaðfestandi meðferð sem verið er að skoða, verða ungmenni að koma á framfæri samþykki og geta sýnt fram á skilning og kunna að meta  hugsanlegan ávinning og áhættu er fólgin í meðferðinni." 

Daginn sem ritið var gefið út, sagði James Esses, lögfræðingur og annar stofnandi Thoughtful Therapists, SOC8 leiðbeiningarnar alvarlegt hneyksli þar sem hugmyndafræði sýkir læknisfræðina.

Esses varð þekktur í hinum enskumælandi heimi árið 2021 eftir að hafa verið rekinn úr meistaranámi í sálfræði. Brottvísunin kom skömmu eftir að Esses sendi frá sér beiðni til breskra stjórnvalda þar sem farið var fram á að gagnreyndar meðferðir, fyrir ungmenni með kynama, yrðu undanskildar í frumvarpi er varðar bann við bælingarmeðferðum,  (e. Conversion therapy). Þannig reyndi hann að koma í veg fyrir að mikilvæg meðferðarúrræði á geðheilbrigðissviði yrðu ólögleg.

Vernd barna kastað fyrir róða - hryllingur

„Vernd barna virðist engu máli skipta lengur. Aldurstakmörk fyrir kynþroskabælandi lyf, hormóna eða skurðaðgerð eru horfin, svo framarlega sem barn hefur náð „Tanner stigi 2“ (sem getur verið allt niður í 9 ára). Það er engin krafa um að barn hafi tekið hormón fyrir aðgerð „ef þess sé ekki óskað,“ skrifaði Esses á Twitter.

Í samtali við við blaðamann lýsti Esses hryllingi og áfalli yfir nýju SOC8 leiðbeiningunum. „Sú staðreynd að 8 eða 9 ára barn gæti hugsanlega fengið kynþroskabælandi meðferð er skelfileg. Sú staðreynd að 12 ára stúlka gæti farið í tvöfalt brjóstnám er hryllingur,“ sagði Esses.

„Leiðbeiningar WPATH gera foreldra algjörlega forráðalausa. Það er í raun hægt að  virða að vettugi áhyggjur og andmæli þeirra, ef þeir telja inngripin óþörf“.

Hvatning til unglinga um að nota hættulegar aðferðir eins og „brjóstbindingar“ og „bindingar á kynfærum“ (e. chest binding and genital tucking)  eru einnig áhyggjuefni,“ bætti Esses við.

Börn látin reyra kynfæri og brjóst

Fyrr í vikunni birti ég grein þar sem transbarnasamtökin Mermaids hafa verið staðin að verki við að senda ólögráða stúlkum drakónískar “bindingar” til þess að reyra niður brjóst sín. Trans Ísland virðist einnig stunda þá iðju hér á landi.

Reyrð brjóst unglings. Ljósmynd frá BBC.

„Geðheilbrigðisþjónustu þessara barna hefur líka verið hent beint í ruslið með þeirri afdráttarlausu yfirlýsingu að sálfræðimat/geðmat ætti aldrei að vera forsenda lyfjameðferðar eða skurðaðgerða. Þessar breytingar á leiðbeiningunum stuðla að óafturkræfum tilraunameðferðum, án tillits til þess, að það eru mjög fáar rannsóknir sem fylgja ungmennum fram á fullorðinsár, og engar klínískar rannsóknir sem hafa greint frá reynslusögum ungmenna sem sjá eftir fyrstu ákvörðun sinni.“

Esses útskýrði einnig að WPATH notar viljandi mjög milt orðalag til þess að fela og draga úr alvarlegu eðli þessara læknisaðgerða.

„Leiðbeiningarnar eru fullar af hugmyndafræðilegu orðalagi. Óafturkræfar lyfjameðferðir og skurðaðgerðir eru „kynstaðfestandi heilsugæsla.“ Orðskrípi eins og „sískynja“,  og staðreyndavillan „kyn úthlutað við fæðingu“ eru notuð.“

The Eunuch Archive - Geldingaskjölin

Staðreynd, sem virðist víða hunsuð af baráttusamtökum transfólks, er að viðmiðin endurspegla yfirlýstar óskir alræmds vettvangs perverta höldnum geldingablæti. Meðlimir vettvangsins hafa verið staðnir að því að hafa unnið náið með WPATH í Reduxx rannsókn sem birt var fyrr á þessu ári.

Vettvangurinn hýsir m.a. fantasíur um kynferðisofbeldi gegn börnum. Það felur í sér að stöðva þroska barna að ósk barnaníðinga. Í áratugi hefur hópurinn þrýst á bandarísku geðlæknasamtökunum um að breyta greiningarhugtökum. Kannanir sem gerðar hafa verið innan vettvangsins um geldingablæti hafa verið birtar af WPATH í fræðilegu tímariti og kynntar á opinberum ráðstefnum. SOC8 leiðbeiningarnar og viðmiðunarreglurnar voru búnar til í samstarfi við fræðimenn sem hafa verið leiðandi á vettvangi geldingablætis í yfir tuttugu ár.

Sérstaklega lögðu meðlimir vettvangsins fram skoðanir á nýjum kafla í leiðbeiningum um hugtakið geldingu sem kynvitund. The Eunuch Archive, vettvangurinn sem er getið sem heimildar í nýútgefnu SOC8 WPATH, hýsir þúsundir skáldaðra klámsagna af öfgafullum sadómasókískum toga.

„Eins og aðrir einstaklingar sem eru kynjamargbreytilegir (e. gender diverse), gætu geldingar (e. eunuch individuals)  verið meðvitaðir um sjálfsmynd sína í bernsku eða á unglingsárum,“ segir í lokaútgáfu SOC8. „Vegna skorts á rannsóknum um meðferð barna sem gætu skilgreint sig sem geldinga, forðumst við að koma með sérstakar tillögur.”

Í sumum klámsögunum er börnum með skertan kynþroska nauðgað af læknum. Í öðrum eru börn gelt með valdi sem hluti af sadískum kynferðislegum pyntingum. Sumar sagnanna eru af þeim toga  að læknar nasista gera tilraunir á börnum með því að gelda þau og misnota þau kynferðislega. Það eru líka til erótískar sögur sem lýsa ungum drengjum sem fá „kvenkyns“ hormón, aðeins til að vera hnepptir í kynlífsþrældóm á unglingsárunum.

Flett ofan af fræðimönnum með annarlegar hvatir

Í maí spurðist það út á meðal kynjafræði-efasemdarmanna að þrír af höfuðpaurum vettvangsins væru fræðimenn sem hefðu verið í samstarfi við WPATH um nýjustu SOC8 leiðbeiningarnar.

Þar ber helst að nefna Dr. Thomas W. Johnson, prófessor emeritus við California State University í Chico í Kaliforníuríki. Johnson hefur verið leiðandi meðlimur Eunuch Archive síðan 2001. Johnson notar nafnið „Jesus“ á spjallborðinu, þar sem hann birtir reglulega efni, þar á meðal myndbönd af kynfæraskurðaðgerðum sem þátttakendur nota sem sjálfsfróunarefni. Johnson hefur einnig birt rannsóknir byggðar á könnunum sem hann hefur sjálfur gert með öðrum meðlimum skjalasafnsins.

Dr. Thomas W. Johnson

Eitt af aðal hugmyndafræðilegu áhugamálum hans eru  m.a.  stækkun svokallaðrar „transgender regnhlífar“  með það að augum að ná til karlmanna með sadómasókíska draumóra og jafnvel geldingarfantasíur drifnar af barnagirnd. Johnson er einn þeirra nefndarmanna mótaði þessar nýju leiðbeiningar SOC8 á WPATH vefsíðunni.

Auk Johnson afhjúpaðu kynjafræði-efasemdarmenn tvo aðalmeðlimi til viðbótar sem fræðimenn tengda WPATH á svipaðan hátt. Þeir eru Dr. Richard Wassersug, kanadískur prófessor sem hefur kennt við Dalhousie, og Krister H. Willette.

Opna Lög um kynrænt sjálfræði Forgarð Helvítis?

Þann 13. maí sl. var rannsókn Johnson og Wassersug sem ber titilinn „Castration for Pleasure: Exploring Extreme Castration Ideations in Fiction“  birt í Archives of Sexual Behavior.

„Vinsælustu sögurnar [ í Eunuch Archive] tengja kynferðislega ánægju og rómantískar upplifanir af misnotkun kynfæra.  Eitt helsta einkenni þeirra er að ekkert  samþykki sé  fyrir kynfæralimlestingum og margvíslegu sadómasókísku blæti,“ segja Johnson og Wassersug. „Margar sögur löngun til þess að afskræma og fjarlægja kynfæri ókynþroska ungra drengja.

Það er því mikið áhyggjuefni að WPATH teflir hérna fram geldingum (e. eunuchs) sem kynvitund.

Hið hugmyndafræðilega hugtak kynjafræðinnar kynvitund er, eins og áður hefur komið fram, lögverndað á Íslandi í Lögum um kynrænt sjálfræði frá árinu 2019 og er kennd sem staðreynd á öllum skólastigum í skólum landsins.

Leiðbeiningar WPATH eru notaðar af transaktívistum hérlendis til þess að fá kröfum sínum í heilbrigðiskerfinu framgengt.