Samkvæmt nýrri rannsókn sem birt var í læknatímaritinu Lancet kemur fram með skýrum hætti að fullbólusettir einstaklingar eru í auknum mæli að smita meira út frá sér en óbólusettir.
Upphaflega var gert ráð fyrir því að há tíðni bólusetninga við COVID-19 myndi draga úr smiti SARS-CoV-2 veirunnar milli fólks, þ.e.a.s. að bólusetning myndi fækka mögulegum smitberum og þannig fækka COVID-19 tilfellum.
Niðurstöðurnar benda til þess að dreifing smita frá bólusettum einstaklingum séu farin að hafa síaukin áhrif á fjölda smita. Í Bretlandi kom fram að smittíðni meðal heimilisfólks sem var útsett fyrir smiti frá fullbólusettum einstaklingum væri svipað og heimilisfólks sem voru útsett fyrir smiti frá óbólusettum (25% fyrir bólusetta á móti 23% fyrir óbólusetta).
Þá reyndust 12 af 31 smitum í fullbólusettum sem voru saman í heimili (39%) koma frá fullbólusettum einstaklingum. Eins reyndist veirumagn í smitandi einstaklingum ekki mismunandi eftir því hvort einstaklingar voru bólusettir eða ekki, né heldur var það mismunandi eftir afbrigði veirunnar.
Með því að skoða nýjar sýkingar í Þýskalandi komust vísindamenn að því að hlutfall tilfella meðal fullbólusettra einstaklinga 60 ára og eldri hefur hækkað úr 16,9% frá því í júlí í 58,9% í október. Hlutfall einkennasmita gefur skýrar vísbendingar um aukin áhrif bólusettra sem smitberar.
Svipaða sögu er að segja um Bretlandi. Á milli viku 39 og 42 var tilkynnt um 100.160 einkennasmit meðal 60 ára og eldri, 89.821 var á meðal fullbólusettra eða 89,7% en 3.395 meðal óbólusettra eða 3,4%. Viku fyrr var tíðni COVID-19 tilfella á hverja 100.000 hærri hjá hópi bólusettra samanborið við hóp óbólusettra í öllum aldurshópum 30 ára eða eldri.
Í Ísrael kom upp hópsmit á deild sjúkrahúss sem varðaði 16 heilbrigðisstarfs-
menn, 23 sjúklinga og tvo fjölskyldumeðlimi. Smitberinn var fullbólusettur COVID-19 sjúklingur. Alls urðu 151 starfsmaður og 97 sjúklingar útsettir fyrir smiti og var 96,2% þeirra bólusettur. Fjórtán fullbólusettir sjúklingar veiktust alvarlega eða dóu, tveir óbólusettir sjúklingar fengu væg einkenni.
Þá hefur Sóttvarnarstofnun Bandaríkjanna (CDC) sett fjögur af fimm mest bólusettu löndum heims (84,3 – 99,9% bólusetningarhlutfall) á lista yfir lönd með mesta smithættu.
Margir þeirra sem eru að taka ákvarðanir varðandi sóttvarnir gera ráð fyrir því fyrirfram að hægt sé að útiloka bólusetta einstaklinga sem smitbera. Það kemur aftur á móti í ljós að það eru stórkostleg mistök að hunsa bólusetta sem mögulega eða áhrifamikla smitbera þegar ákvarðanir eru teknar sem snúa að lýðheilsu.
Rannsóknin var birt í The Lancet Regional Health, þar sem finna má 5 ítarlegar
rannsóknir sem vísað er til. Miðillinn RT sagði líka frá.