Guðrún Bergmann skrifar.

ERTU MEÐ TAUGAVERKI?

Ég er ein af þeim sem hefur þjáðst af taugaverkjum í mörg ár. Lengi vel hélt ég að þetta væru vöðvaverkir og reyndi að vinna á þeim sem slíkum, en þegar ég var orðin svo kvalin að ég gat varla orðið gengið fyrir fimm árum síðan, bað ég heimilislækninn að senda mig í myndtöku. Það hlyti að vera eitthvað meira en lítið að.

KLEMMDAR TAUGAR

Í myndatökunni kom í ljós að það var klemming á taugum í neðri hluta baksins, í göngum út úr hryggjarliðum. Ég hélt að slíkt væri hægt að lækna með skurðaðgerð, en taugaskurðlæknirinn taldi mig ekki skurðhæfa. Skrifaði í bréfi til heimilislæknisins að vegna aldurs væri best að setja mig á ópíóða til að takst á við verkina.

Ég var nú ekki alveg á því að samþykkja hvorki þau verkjalyf nér nokkur önnur, svo ég reyndi ýmsar aðrar leiðir eins og sjúkraþjálfun, nudd og nálastungur. Svo fór ég að gera sérstakar mjaðmaæfingar daglega þrátt fyrir sársaukann, eftir að nálastungulæknirinn sagði mér að oft væri gamalt stirðnað blóð í vöðvum og það ylli sársauka.

TAUGAVERKIR Á NÓTTUNNI

Þrátt fyrir allar þessar tilraunir mínar hélt ég áfram að vera með stöðuga daglega verki, stundum meiri, stundum minni, stundum óbærilega. Verst þótti mér þó að ég vaknaði iðulega á nóttunni við taugaverki eða krampa í öðrum fótleggnum, en verkirnir voru mest í hægri mjöðm og fótlegg, en minna vinstra megin.

Þetta truflaði mikið nætursvefninn, því oft átti ég erfitt með að sofna aftur vegna verkjanna. Mér fannst ég í upphafi þessa árs vera búin að prófa allt – nema CBD olíu – svo ég fór að leita að góðri olíu og kynna mér upplýsingar um CBD.

UNDRAVERÐUR ÁRANGUR

Eftir nokkra athugun valdi ég mér CBD olíuna fráPharma Hemp, þar sem ég sá að hún er heilvirk. Ég byrjaði hægt með einn dropa þrisvar á dag og smá jók svo skammtinn. Núna nota ég þrjá dropa, þrisvar á dag á átta tíma fresti. CBD olían er seld sem húðolían, en ég hafði heyrt að hún skilaði betri árangri ef hún væri sett undir tunguna, svo ég gerði það.

Strax eftir að ég byrjaði að nota olíuna fann ég aukna innri ró í líkamanum. Ég fann líka að svefninn varð dýpri fyrstu nóttina eftir að ég byrjaði að nota CBD olíuna – og það besta af öllu var að ég vaknaði hvorki með krampa í fætinum þá nótt, né næstu nætur á eftir.

Ég gerði auðvitað tilraun með olíuna og sleppti því að nota hana í einn daginn – og fékk að launum verki yfir daginn og kvalafulla og svefnlitla nótt. CBD olían er því orðnir fastur þáttur í því sem hjálpar mér að viðhalda sterkum og verkjalausum líkama.

TVÆR PLÖNTUTEGUNDIR

Til eru tvær tegundir af kannabis eða hamp plöntum. Önnur er kannabis-sativa sem er iðnaðarhampur ræktaður meðal annars til framleiðslu á CBD olíu, sem annað hvort er með einangruðum kannabínóðum eða heilvirkum kannabínóðum, það er að segja öllum 130 kannabínóðunum.

Efnin í olíuna eru unnin úr blómum og laufum plöntunnar. CBD olían frá Pharma Hemp er með öllum 130 kannabíóðunum, en minna en 0,05% af THC, en það er leyfilegt magn innan Evrópu.

Hin tegundin er kannabis-indica, betur þekkt sem marijúana og í henni er meira THC, en það er skammstöfun á efninu sem veitir vímuáhrifin.

ENDÓKANNABÍNÓÐAR

Ekki er langt síðan uppgötvað var að í líkamanum er kerfi sem kallast endókannabínóðakerfi. Það er flókið merkjakerfi frá frumunum sem samanstendur af endókannabínóðum, ensímum og kannabínóða-móttökum, sem hafa stjórn á ýmissi starfsemi í mannslíkamanum. Endókannóbínóðar eru svipaðir og kannabínóðarnir sem eru í kannabis-sativa plöntunni.  Líkaminn framleiðir þá á náttúrulegan máta og þeir hafa áhrif á:

• Orkujafnvægi líkamans
• Örvun matarlistar
• Blóðþrýsting
• Sársauka
• Þroska fósturvísa
• Stjórnun á ógleði og uppköstum
• Minni og lærdóm
• Viðbrögð ónæmiskerfisins

Að auki er talið að þeir tengist taugasjúkdómum eins og:

• Parkinson‘s sjúkdómnum
• Huntington´s sjúkdómnum
• Alzheimer‘s sjúkdómnum
• MS sjúkdómnum

ENDÓKANNABÍNÓÐA MÓTTAKARNIR

Móttakar fyrir kannabínóðana eru á yfirborði frumna um allan líkamann. Endókannóbínóðarnir tengjast við móttakana, sem senda skilaboð til þeirra til um að setja af stað viðbragðsferlið. Tveir helstu kannabínóða móttakarnir sem eru til staðar um allan líkamann eru:

• CB1 er aðallega í miðtaugakerfinu, sem samanstendur af heila og mænu.
• CB2 er aðallega í úttaugakerfinu og í ónæmiskerfinu.

Sérfræðingar halda að þriðji móttakinn gæti líka verið til staðar í líkamanum, en rannsóknir hafa ekki sýnt fram á það ennþá.

Endókanabínóðar geta tengst annarri hvorri tegund móttakanna, sem leiðir til mismunandi árangurs eftir staðsetningu móttakanna í líkamanum. Endókannabínóðar geta til dæmis tengst CB1 móttökunum í mænutaug til að draga úr sársauka eða binda sig við CB2 móttaka á ónæmisfrumu, sem gefur merki um að bólgur séu í líkamanum. Ensím sjá svo um að brjóta niður endókannóbínóðana eftir að þeir hafa lokið hlutverki sínu.

FRAMLEIÐSLA OG LOSUN KANNABÍNÓÐANNA

Mannslíkaminn framleiðir endókannabínóða. Þeir eru til staðar í mismunandi líffærum og vefjum, svo sem í vöðvum og heila. Endókannabínóðarnir verða virkir þegar þeir bindast kannabínóða móttökum. Móttakarnir eru líka um allan líkamann.

Rannsóknir hafa ekki enn sýnt nákvæmlega fram á hvað það er sem veldur því að móttakarnir tengjast endókannabínóðunum. Kenningar eru hins vegar um að þegar einhver kerfi líkamans detta úr jafnvægi, bindi móttakarnir sig við kannabínóðana til að leiðrétta vandamálið.

Endókannóbínóðakerfið (EKK) er nákvæmt. Sem dæmi má nefna að ef líkamshitinn er ekki eðlilegur, þá leiðréttir EKK kerfið það án þess að trufla aðra ferla í líkamanum. Um leið og líkaminn er aftur kominn í jafnvægi, brjóta ensím kannabínóðana niður, til að enda leiðréttingarferlið.

Neytendaupplýsingar: Þú færð CBD olíuna frá Pharma Hemp á eftirtöldum stöðum:

LYFJU, Lágmúla, Smáratorgi, Smáralind, Ísafirði, Borgarnesi, Húsavík, Egilsstöðum, Reykjanesbæ, Akureyri
HEILSUHÚSINU Lágmúla og Kringlunni
HAGKAUP Kringlunni, Smáralind, Skeifunni, Garðabæ, Akureyri
HEILSUVER/LYFJAVER
FJARÐARKAUP
APÓTEK Garðabæjar, Hafnarfjarðar, Vesturlands, Vesturlands/Snæfellsbæ, Suðurnesja
AKUREYRARAPÓTEK
LYFJAVAL Mjódd, Hæðasmára/bílaapótek
LYFSALINN Urðarhvarfi
REYKJANESAPÓTEK
LYFJABÚRIÐ
REYKJAVÍKUR APÓTEK
HÁRSNYRTISTOFAN CAPELLO
Á vefsíðunni: www.gottcbd.is

Þér er velkomið að skrá þig á PÓSTLISTANN til að fá reglulega sendar greinar um sjálfsrækt, andleg mál og náttúrulegar leiðir til að koma jafnvægi á heilsuna.

Heimildir: MedicalNewsToday.com