Vísindablaðamaðurinn Dr. Simon Goddek skrifaði áhugaverða færslu á Twitter í gær um pælingar sínar um sögu Gretu Thunberg, ungu stúlkunnar sem stóru meginstraumsfjölmiðlarnir hafa kynnt fyrir almenningi sem saklausa stúlku ótengda áhrifafólki eða valdhöfum heimsins sem aðeins vilji vel þegar kemur að loftslagsmálum.

Í færslunni segir Dr. Goddek um sögu Gretu Thunberg:

„Því meira sem ég pældi í sögu Gretu Thunberg, því betur áttaði ég mig á því að það væri einhver óþefur af málinu. Það er ENGIN TILVILJUN að í fyrsta sinn sem hún kom fram var 20. ágúst 2018, með setumótmælum fyrir framan sænska þingið, og FYRIR TILVILJUN fjórum dögum síðar kom út bók sem hún skrifaði ásamt móður sinni.

En það er ekki allt og sumt, almannatengslavélin var þegar í fullum gangi fyrir hana þann 20. ágúst, þökk sé manni að nafni Ingmar Rentzhog, sem fjármagnaði og rak herferðina í gegnum fyrirtæki sitt, We Don't HaveTime. Og getið hvað? Rentzhog er líka FYRIR TILVILJUN stjórnarformaður hugveitunnar Global Challenge, sem nú er FYRIR TILVILJUN að fullu fjármögnuð af milljarðamæringi að nafni Kristine Person, meðlimi í sænska sósíaldemókratíska verkamannaflokknum og fyrrverandi ráðherra í ríkisstjórn Stefan Löfven.

Og ef þetta er ekki nóg, þá gekk Rentzhog FYRIR ALGJÖRA TILVILJUN fram hjá sænska þinginu 20. ágúst og rakst á Grétu í setumótmælum sínum og tók mynd af henni. En bíðið, það er meira, Rentzhog og móðir Gretu höfðu þegar hist áður á loftslagsráðstefnu 4. maí 2018, sem er FYRIR TILVILJUN akkúrat dagurinn þegar Rentzhog varð forstjóri Global Challenge. (Innsk. Fréttarinnar: tístið sem Greta Thunberg eyddi um daginn var einmitt frá því skömmu eftir þessa loftslagsráðstefnu eða 21. júní 2018).

Og hér er eitt áhugavert - bæði Kristine Person og Stefan Löfven eru meðlimir í auðkýfingasamtökum Klaus Schwab World Economic Forum (WEF). Það er ótrúlegt hvað allar þessar tengingar virðast fara í heilan hring, er það ekki?

Það er mér augljóst að eitthvað skrítið er í gangi á bak við tjöldin. Þetta fólk er að ráðskast með almenning og misnota vald sitt í eigin pólitískum tilgangi. Við þurfum að vera meðvituð um aðferðir þeirra og vara alla sem við þekkjum við Endurræsingunni miklu (The Great Reset) og Fjórðu iðnbyltingunni.“

Hér má lesa færslu Dr. Goddek á Twitter: