Fréttamiðilinn Mannlíf tók sig til og bjó til falsfrétt um Margréti Friðriksdóttur stofnanda frettin.is og heldur því fram að Margrét hafi neitað að fara í skimun eftir sumarfrí í útlöndum.

Merkilegt þykir hvernig hægt er að búa til jafnmikla innantóma þvælu og Mannlíf leyfir sér að viðhafa en það hefur margoft komið fram bæði í færslum frá Margréti og í frétt sem birtist nýlega á frettin.is hvernig raunveruleg atburðarás var og er hægt að lesa hér.

Staðreyndin er sú að Margrét neitaði engri skimun heldur fór í tvær skimanir við heimkomu, aðra við komuna í Keflavík og seinni fimm dögum síðar á Suðurlandsbraut þar sem sýnataka fer fram og báðar sýnatökurnar reyndust neikvæðar.

Þá fullyrðir Mannlíf að Margrét hafi sagt að óbólusettir ferðamenn án skimunarvottorða hafi verið sendir aftur heim og láta að því liggja að ferðamennirnir hafi neitað skimun en það er fjarri sanni. Rétt er að Frettin.is hefur áreiðanlegar heimildir fyrir  því að óbólusettir ferðamenn hafa verið leitaðir uppi af lögreglu hér á landi þrátt fyrir að vera í sóttkví og sendir aftur heim þar sem þeir voru ekki með bólusetningarvottorð og er það mismunun og stjórnarskrábrot, en þeir voru skimaðir og kom neikvætt út úr þeim niðurstöðum.

Þá heldur ritstjóri Mannlífs, Reynir Traustason, því fram að Margrét hæðist að bólusettum sem er ekki rétt.  Allir eiga val samkvæmt Margréti og ítrekar hún að hver og einn er ábyrgur fyrir sínum líkama og heilsu og þeir sem vilja þvinga fólk í tilraunasprautu sem ekki hefur staðist væntingar eru fasistar og eru þeir í raun eina hættan sem steðjar að í lýðræðissamfélagi, því fasismi er hættuleg hugmyndafræði.

Mannlíf ætti því að reyna sjá sóma sinn í því að fara rétt með og ekki bulla og búa til falsfréttir ef þeir vilja halda trúverðugleika sínum, en það má bæta því við að Mannlíf hafði aldrei samband við Margréti Friðriksdóttur við gerð fréttarinnar heldur virðist álykta út frá viðtali við Fréttablaðið sem ekki fer heldur að fullu með rétt mál.

Falsfrétt Mannlífs er að finna hér

Uppfært: Þess ber að geta að DV er nú með sömu falsfrétt þar sem fullyrt er að Margrét hafi neitað skimun við heimkomu, falsfréttamennska virðist því komin í tísku hér á landi. Sjá falsfrétt á DV