Það er farið að bera á töluverðri þreytu í garð Þórólfs og minnisblaðanna hans, en samt á hann ennþá dygga aðdáendur sem mæra fagmennsku hans og hversu vel honum hefur tekist að leiða okkur í gegnum heimsfaraldurinn mikla. (Fer þriggja vikna kúrfan ekki bráðum að verða búin, herra heiðursorðuhafi?)

Fórnarlambið Þórólfur

Hann er kominn í bullandi vörn núna og skellti skuldinni á Svandísi í Kastljósviðtali í gærkvöldi.

„Síðan er það náttúrulega ráðherra sem tekur endanlega ákvörðun um þetta. Þannig það er ekki ég sem geri þetta, ég kem með tillögur og endanleg ákvörðun liggur hjá ráðherra.“

Í Morgunblaðinu í morgun birtust tveir mjög góðir pistlar, annar frá Bergþóri Ólasyni alþingismanni, og hinn frá Arnari Þóri Jónssyni lögmanni, og ég veit að þarna tala þeir fyrir munn ansi margra sem eru löngu komnir með upp í kok af þessu sóttvarnarbulli.

Smellið á myndirnar til að sjá þær skýrari.

Tómur misskilningur bara

"Þórólfur segir í þættinum að það sé misskilningur að hann sé aðilinn sem er að skerða frelsi landsmanna. „Það er mikill misskilningur að það sé ég sem er að skerða frelsi fólks. Ég kem með tillögur út frá sóttvarnarsjónarmiðum um það hvernig faraldurinn er og hvernig tekst að höndla hann og hvernig það kemur niður á öðrum sjúklingahópum."

Ok Þórólfur, ef Svandís samþykkir allar tillögurnar sem þú sendir henni, hvernig væri þá að senda henni næst tillögur um að aflétta öllum hömlunum sem eru búnar að skerða frelsi fólks í vel á annað ár núna?

Og hvaða faraldur ertu endalaust að ríghalda í maður? Það mætti halda að þú viljir viðhalda tilhæfulausum ótta fólks við einhverja pest sem staðreyndin er að yfir 99% fólks lifir veikindi af!

Ekki VOGA ÞÉR að fara að sprauta börnin líka!

Ætlarðu ekki að hætta fyrr en búið að sprauta þau líka? Er ekki nóg að 88% landsmanna séu þegar "bólusettir", með skelfilegum afleiðingum fyrir marga eins og dæmin sanna?

Tími þinn er liðinn, og það fyrir lifandis löngu síðan!

Höfundur er: Kristín Þormar