Eftir Kristínu Johansen og Þórdísi B. Siguþórsdóttur. Greinin birtist fyrst í Morgunblaðinu 5. janúar 2022. Í tilefni þess að Pfizer hefur nú óskað eftir neyðarleyfi FDA til að bólusetja börn, 6 mánaða - 4 ára, með Covid tilraunabóluefnum, er greinin birt aftur hér:
„Þegar lyfjafyrirtækin hafa fengið fullt samþykki fyrir bóluefninu er hægt að lögsækja þau NEMA að opinberlega hafi verið mælt með efninu fyrir börn.“
Margir hafa velt því fyrir sér hvers vegna læknar, barnalæknar og heilbrigðisyfirvöld leggi svo mikla áherslu á að sprauta börn með Covid bóluefnum sem enn eru á rannsóknarstigi og það næstum tveimur árum eftir að faraldurinn hófst.
Eftir þessi tæp tvö ár hljóta börnin sem nánast daglega eru saman í leik-og grunnskólum að vera komin með töluvert ónæmi. Auk þess virðast þau veikjast lítið sem ekkert af núverandi afbrigðum sem eru mildari og hafa undanfarið smitast hratt manna á milli.
Læknisfræðin gengur út á ávinning á móti áhættu og „Fyrst ekki skaða,“ ekki satt?
Er þetta skýringin?
Í nýjum þætti kanadísku fjölmiðlakonunnar Laura Lynn Tyler Thompson kemur fram að lyfjafyrirtækin verði að hljóta opinbera viðurkenningu á Covid bóluefninu fyrir börn yngri en 12 ára til að fá undanþágu frá lögsóknum og skaðabótaábyrgð eftir að bóluefnin hafa fengið fullt markaðsleyfi.
Lögmaður samtakanna Children´s Health Defence, Robert F. Kennedy Jr., sem hefur ótal sinnum á sínum ferli lögsótt hin ýmsu lyfjafyrirtæki, útskýrði lagalegu hlið málsins:
Lyfjafyrirtækin munu aldrei markaðssetja bóluefni, þ.e.a.s. að veita almenningi aðgang að samþykktu bóluefni án þess að vera varin fyrir lögsóknum. Nú þegar Covid bóluefnin eru á neyðarleyfi (EUA - Emergency Use Authorization), þar á meðal Moderna og Pfizer eru framleiðendur þeirra varðir fyrir lögsóknum samkvæmt bandarískum lögum, n.t.t. PREP ACT og CARES ACT.
Svo lengi sem menn fá bóluefni sem er á neyðarleyfi er ekki hægt að lögsækja lyfjafyrirtækin. Þegar fyrirtækin hafa aftur á móti fengið fullt samþykki fyrir bóluefninu, er hægt að lögsækja þau, NEMA að opinberlega hafi verið mælt með því fyrir börn. Ástæðan er sú að öll bóluefni sem opinberlega er mælt með fyrir börn, fá þessa lagalegu vernd, jafnvel þótt aðeins fullorðnir einstaklingar fái bóluefnið.
Þess vegna verða fyrirtækin að bólusetja börnin. Lyfjafyrirtækin vita að lyfin muni skaða fjölda barna, en þetta þurfa þau að gera til að fá vernd gegn skaðabótaábyrgð og lögsóknum, segir lögmaður samtakanna í áðurnefndum þætti.
Að lokum viljum við benda á merkilega úttekt Canadian Covid Care Alliance sem eru samtök yfir 500 kanadískra lækna, vísindamanna og heilbrigðisstarfmanna. Þau létu nýlega gera úttekt á rannsókn Pfizer á þeirra mRNA bóluefnatækni og notuðu gögnin úr þeirri rannsókn til þess. Sem sagt, úttekt samtakanna byggist á rannsóknargögnum Pfizer sem m.a. fengust með dómsúrskurði.
Samtökin gáfu í kjölfarið út skýrslu sem þau birta á vefsíðu sinni og kynna niðurstöðurnar í 39 mínútna myndskeiði. Í stuttu máli sýna samtökin fram á að rannsóknargögn Pfizer sýni að áhættan er mikil, sérstaklega meðal barna en ávinningurinn lítill.