Alþjóðaheilbrigðismálastofnunin (WHO) hefur gefið út viðvörun vegna aukinna tilfella af alvarlegri hjartavöðvabólgu hjá börnum í Wales og Suðvestur-Englandi.
Embættismenn í Bretlandi sendu tilkynningu til WHO í apríl sl. eftir að hafa greint aukningu á alvarlegri hjartavöðvabólgu hjá börnum með svokölluðu PCR prófi. Börnin höfðu verið lögð inn á sjúkrahús í tengslum við enteroveirusýkingu í Wales og í Englandi.
Tíu tilfelli fundust í Wales á tímabilinu júní 2022 og apríl 2023, og náðu þau hámarki í nóvember. Fimm tilfelli fundust í Suðvestur-Englandi á sama tíma.
Í Wales voru sjö af tíu tilfellum með frekari undirtegund, þar sem annað hvort coxsackie B3 eða coxsackie B4 höfðu greinst, segir WHO.
Öll börnin þurftu gjörgæslu og eitt ungabarn lést, segir meðal annars í viðvöruninni.
Fréttin.is hefur birt fjölda frétta og greina um hættuna af hjartabólgum af völdum svokallaðra Covid „bóluefna“ sem hafa meðal annars verið gefin barnshafandi konum um allan heim þrátt fyrir að vera á tilraunastigi. Lyfjastofnun Svíþjóðar birti til dæmis rannsókn um þessa hættu sem heilbrigðisyfirvöld eða aðrir miðlar hérlendis sögðu ekki frá.
Sky News á Bretlandi sagði síðan frá því á föstudag að Bresku Hjartasamtökin hafi tilkynnt að greining þeirra á NHS (National Health Services) gögnum um gáttatif, sem veldur óreglulegum hjartslætti, hafi sýnt gríðarlega fjölgun tilfella, eða 50%, úr samtals einni milljón árið 2013 í 1,5 milljón á þessu ári.
Gullna reglan að gefa þunguðum konum ekki nýtt lyf
Breski visindamaðurinn Mike Yeadon starfaði eitt sinn hjá lyfjarisanum Pfizer þar sem hann gegndi meðal annars stöðu aðstoðarframkvæmdastjóra. Yeadon varaði frá upphafi við svokölluðum Covid „bóluefnum“, sem hann sagði geta valdið miklum skaða, meðal annars ófrjósemi kvenna í ótilgreindan tíma. Hann sagði einnig í viðtali við fyrrum fótboltastjörnuna Matt Le Tissier sl. sumar að hin 60 ára gullna regla væri að gefa þunguðum konum aldrei nýtt lyf og að afleiðingarnar væru nú að koma fram.
Sprautuherferðin meðal barnshafandi kvenna hófst hér á landi og víðast hvar á svipuðum tíma, eða síðari part sumars 2021. Þunguðum konum í áhættuhópum voru boðin sprautuefnin nokkrum mánuðum áður. Einnig mjólkandi mæðrum. Og enn mæla yfirvöld með því að barnshafandi konur, sem þau telja vera sérstakan áhættuhóp, fari í Covid sprautur, þar á meðal í örvunarsprautu með „tvígildu bóluefni“ sem aðeins var prófað á átta músum.
