Það að Pútin skyldi ákveða að steypa ríkisstjórn Úkraínu kom mörgum á óvart. Eftir að hann lýsti yfir sjálfstæði austurhéraðanna var augljóst að hann myndi vilja verja þau en hitt var ekki fyrirsjáanlegt. En hvað gengur honum til?
Menn hafa bent á skjöl þar sem því var lofað að NATO stundaði ekki útþenslustefnu eftir fall Sovétríkjanna og langvinnar kvartanir Rússa innan austurhéraðanna um fjandskap Úkraínustjórnar gagnvart sér en getur ekki verið að Pútin lítist lítt á valdaþorsta Davos hópsins sem stefnir að því að koma á nýju stjórnkerfi heimsins þar sem ríkisstjórnir verða í aukahlutverki. Hann var sjálfur nemandi Klaus Schwab og veit því vel hver stefna World Economic Forum (WEF) er.
Árið 2020 ávarpaði Volodymyr Zelenskyy ráðstefnuna í Davos og vildi þiggja aðstoð WEF til að byggja nýja Úkraínu. Gegnum tíðina hefur Schwab safnað að sér stuðningsmönnum sem hafa komið sér fyrir í stjórnkerfi hinna ýmsu ríkja. Meðal annars hefur hann sagst eiga Trudeau og helming ríkisstjórnar hans. Þar á meðal er örugglega vara-forsætisráðherrann, sem er í stjórn WEF. Nýlega spurði einn kanadískur þingmaður að því hverjir tilheyrðu Schwab en forseti þingsins leyfði ekki spurninguna.
Viðbrögð Trudeau við mótmælum þeirra er vildu fá frelsi sitt aftur eftir Kóvid voru að setja neyðarlög og nema borgaraleg réttindi úr gildi. Aðrir leiðtogar úr skóla Schwab halda dauðahaldi í þau auknu völd er þeir náðu á Covidtímanum. Þar má nefna forsætisráðherra Nýja Sjálands og Frakklands. Hefur Schwab alið upp her einræðisherra?
Er það ekki mögulegt að innrásin í Úkraínu sé uppreisn Pútins gegn Davosveldinu?