Hagstofa Íslands hefur gefið út tölur yfir látna hér á landi fyrir árið 2022. Hagstofan tekur fram að um sé að ræða bráðabirgðatölur sem séu líklegar til að vera vanmat á fjölda látinna, aðallega vegna síðsbúinna dánartilkynninga.

Fréttin bendir á að raunverulega eru 46 fleiri látnir árið 2021 og færri sem því nemur árið 2020 en tölur Hagstofunnar sýna og súluritið hér að neðan byggir á. Hagstofan gefur þá skýringu á þessu að að við útgáfu talna yfir látna 19. nóvember 2021 hafi verið gerð breyting á skilgreiningu á vikum til samræmis við útgáfur Eurostat, hagstofu Evrópusambandsins. Vikan hefjist nú á mánudegi og hefst fyrsta vika hvers árs því á fyrsta mánudegi ársins. Sem dæmi þá tilheyra fyrstu þrír dagar ársins 2021, viku 53 fyrir árið 2020.

Breyting Hagstofunnar hafði það í för með sér að árið 2020 kom verr út hvað varðaði andlát sem nam 46 einstaklingum sem raunverulega létust ekki árið 2020 heldur fyrstu 3 daga ársins 2021. Það létust því 2298 einstaklingar 2020, en ekki 2344 og 2379 einstaklingar létust 2021, en ekki 2333.  

Þegar hin raunverulegu andlát árið 2020 (2298) eru borin saman við andlát ársins 2022 (2670) kemur í ljós að dauðsföllum hefur fjölgað um rúm 16% eftir að byrjað var að að sprauta fólk með C-19 sprautuefnunum um áramótin 2020/2021.

Þessi mikla aukning dauðsfalla hérlendis er í samræmi við mikla aukningu dauðsfalla í Finnlandi, Írlandi, Þýskalandi, Englandi og Wales sem einnig hafa stundað fjöldabólusetningar á þegnum sínum við Covid með tilraunabóluefnum og hafa þurft að þola gríðarlegan fjölda dauðsfalla síðustu misserin, eins og Fréttin hefur fjallað um.