Andrew Bridgen, sem nú situr sem óháður þingmaður á breska þinginu, segir frá því að honum hafi verið boðnar mútur fyrir að hætta að tala um skaða og dauðsföll af völdum Covid „bóluefnanna.“
Bridgen, sem var þingmaður breska Íhaldsflokksins, var vikið úr þingflokknum tímabundið vegna ummæla á Twitter varðandi Covid „bólusetningar.“ Þar sagði hann:
„Eins og einn hjartalæknir sagði við mig, þetta [Covid bóluefni] er stærsti glæpur frá því að helförin átti sér stað.“
Í nýlegum hlaðvarpsþætti greinir Bridgen frá því að í janúar 2022 hafi ráðgjafi í breska ráðherrabústaðinum í Downing stræti hafi haft samband við sig og boðið honum „hvað sem hann vildi“ í skiptum fyrir að hætta að tala um Covid sprauturnar: „Þeir reyndu að kaupa mig...Hvað viltu? Þú getur fengið allt sem þú vilt,“ var sagt við hann. Bridgen sagðist þá vilja afsögn forsætisráðherrans. Hann bætti því við að samskiptin hafi verið skrifleg og þau væru öll til.
Bridgen sagði jafnframt að það sem væri að gerast í Bretlandi ætti sér stað í flestum öðrum ríkjum og að Vesturlönd væru með „bestu pólítíkusana sem peningar geta keypt.“
Brot úr þættinum þar sem þetta kemur fram má sjá hér neðar og hér er þátturinn í heild sinni.
https://twitter.com/Dominiquetaegon/status/1627299367139803137
Sjálfur bólusettur og hvatti aðra til þess sama
Í upphafi faraldursins var þingmaðurinn jákvæður gagnvart nýjum bóluefnum og fór sjálfur í bólusetningu og hvatti aðra til þess. Hann segist síðan hafa skoðað málið og komist að því að ekkert lægi fyrir um gagnsemi bóluefnanna, sem hvorki kæmu í veg fyrir smit né drægju úr einkennum þegar smitun yrði. Hann sagði í desember 2022 að þegar í stað ætti að hætta bólusetningum, enda sýndu rannsóknargögn að þær „gerðu meira ógagn heilsufarslega“, og að þær leystu ekki þann heilsufarsvanda sem þeim væri ætlað að leysa".
Þess má geta að Bridgen hefur sjálfur glímt við aukaverkanir eftir Covid sprauturnar. Hann nýtti aðstöðu sína í þinginu í desember sl. og lýsti því yfir að samkvæmt áreiðanlegum heimildum væri háttsettur meðlimur í bresku hjartasamtökunum (British Heart Foundation) að fela skýrslu sem sýnir að mRNA Covid sprautuefnin auki bólgur í hjartaslagæðum.