LGB teymið: Trans Ísland hefur tekist að taka Kvenréttindafélag Íslands í gíslingu

frettinInnlendar3 Comments


Höfundur er talsmaður LGB samtakanna.

Það líður svo sannarlega ekki langur tími á milli þess að við hjá LGB teyminu skrifum og að samtök kynjafræðinganna á Suðurgötunni sem kenna sig við töluna 78 gefa í aktivisma sínum.

Við skoruðum á Hönnu Katrínu Friðriksson að endurskoða það að leggja fram frumvarp gegn bælingarmeðferðum vegna kynhneigðar, kynvitundar og kyntjáningar og á Alþingi að taka lögin um kynrænt sjálfræði til heildarendurskoðunar og jafnvel til þess að fella þau algjörlega niður. 

Í gær birtist umfjöllun í Morgunblaðinu um „Kynleiðréttingaraðgerðir teljist lífsnauðsynlegar“ og þar fer formaður Samtakanna 78, Þorbjörg Þorvaldsóttir, orðum um að endurskilgreina beri hvað telst til lífsnauðsynlegra aðgerða. Það vill hún meina að aðgerðir á fólki sem glímir við kynáttunarvanda þoli enga bið. Þetta er mikið áhyggjuefni sérstaklega í ljósi þess hversu mikil ítök Samtök Kynjafræðinganna á Suðurgötunni hafa í málaflokk samkynhneigðra og annara sem velja að skilgreina sig hinsegin. Við í LGB teyminu erum  ekki „hinsegin“. Við erum fólk sem laðast að fólki af sama kyni.

En af hverju er þetta áhyggjuefni? Jú, vegna þess að þetta er að gerast um allan vestræna heiminn á sama tíma, í miðjum heimsfaraldri, án þjóðfélagslegrar umræðu, og beint úr uppskriftabók sem nær öll meðalstraums LGBTI ungmennasamtök nýta sér. Þetta eru engar tilviljanir.

Hvaða uppskriftabók spyrja sumir þá. Jú, Denton uppskriftabókin sem hefur verið dreift á Regnhlífarsamtök sem kenna sig við IGLYO – The International Lesbian, Gay, Bisexual, Transgender, Queer and Intersex Youth and Student Organisation.

Hvað er Denton skjölin? 

Jú, skjölin eða réttara sagt skýrslan sem er uppskriftabókin sem ég er að tala um er verk Dentons segist vera stærsta lögfræðifyrirtæki heims, the Thomson Reuters Foundation, sem er hluti af vel þekktum og gömlum fjölmiðlarisa og lætur sig mikið varða hin og þessi „auðkennisstjórnmál“ (e. Identity politics) og svo IGLYO regnhlífarsamtökin sem bæði Trans Ísland og Q Félag Hinsegin stúdenta eiga aðild að og hafa í raun hertekið Samtökin 78 á síðustu árum og haldið þeim í algerri gíslingu. Trans Ísland hefur einnig tekist að taka Kvenréttindafélag Íslands í gíslingu, því Trans Ísland er ekki aðeins aðildarfélag að Samtökunum 78, heldur einnig Kvenréttindafélagi Íslands.

Refurinn er því kominn í hænsnabúið og konurnar þegja af ótta að vera brennimerktar með transfóbíustimplinum.

Hvaða manneskja skyldi hafa skrifað innganginn í skýrslunni? Ugla Stefanía Kristjönudóttir Jónsdóttir, formaður Trans Ísland. 

Á næstu dögum og vikum ætla ég að afhjúpa skref fyrir skref vinnubrögðin, skipulagninguna og hugsunina á bak við þær blekkingar sem transaktívistar hafa stundað gegn þjóðþinginu okkar, Alþingi, stjórnsýslunni almennt og útskýra hvernig lög hafa fengð þinglega meðferð og frumvörp samþykkt sem beinlínis ganga á réttindi kvenna, réttindi barna og réttindi samkynhneigðra sérstaklega án nokkurrar þjóðfélagslegrar umræðu, hvorki í fjölmiðlum né í meðförum þingsins.

Einnig mun ég skýra þau tengsl á milli transaktívisma og stuðning alþjóðlegra fyrirtækjasamsteypa, fjármálafyrirtækja, Sameinuðu Þjóðirnar og auðvitað lyfjarisunum.

Við viljum einnig fá tækifæri til þess að benda á að LGB teymið er að setja YouTube rás í loftið, þar sem einnig verður fjallað um þessi málefni og önnur. Endilega komið í ákrift hjá okkur á LGB teymið - YouTube 

Við munum einnig vera með livestream ásamt öðrum klofningshópum og LGB teymum á hinum Norðurlöndunum log í enskumælandi heiminum. 

3 Comments on “LGB teymið: Trans Ísland hefur tekist að taka Kvenréttindafélag Íslands í gíslingu”

  1. Þeir sem áður fyrr þóttu sjúkir og töldu sig vera ofsótta grenja nú yfir því að annar hópur, sem á eitthvað sameiginlegt með þeim, sé að taka þá yfir. Hvar endar þetta?!

Skildu eftir skilaboð