Tímabært að segja sannleikann um Úkraínu

Erna Ýr ÖldudóttirErlent, Erna Ýr Öldudóttir, Stjórnmál, Úkraínustríðið25 Comments

Birtist í American Greatness, 18. nóvember 2022. Höfundur Maurice Richards.
Þýðing Erna Ýr Öldudóttir.

Hvernig refsiaðgerðir eyðileggja efnahaginn, umboðsstríð leiðir okkur á barm kjarnorkueyðingar og Bandaríkin fjármagna nazistastjórn

Joe Biden, þingmenn hergagnaiðnaðarins, stríðshaukar utanríkisráðuneytisins, stríðsflokkur Demókrata, stórfyrirtækjaarmur Repúblikana auk vestrænu glópalistaelítunnar hafa sent Bandaríkin og NATO í úkraínskt umboðsstríð gegn Rússlandi. Stríðshaukarnir eru helteknir af því að eyðileggja Rússland. Til að ná markmiðinu eru þeir staðráðnir í að berjast til síðasta Úkraínumanns.

Á átta mánuðum hefur þingið sóað 69 milljörðum dala af bandarísku skattfé til að fjármagna umboðsstríðið. Það er um 8 milljörðum dollara meira en öll árleg hernaðaráætlun Rússlands. Bandarískum vopnaiðnaði til mikillar ánægju sér ekki fyrir endann á því. Búist er við að Biden muni fljótlega fara fram á 50 milljarða dollara til viðbótar.

Samtaka hafa Biden og þingið svikið bandarísku þjóðina. Engin lausn verðbólgukreppunnar er sjáanleg. Heimatilbúinn skortur er á mat og eldsneyti og fimm og hálf milljón ólöglegra innflytjenda hafa vaðið stjórnlaust inn í landið. Ofbeldisglæpir og fentanýl faraldur geisar, en hann er innfluttur frá Kína og Mexíkó og verður hundrað þúsund Bandaríkjamönnum að fjörtjóni árlega.

Í maí höfðu ellefu öldungadeildarþingmenn repúblikana og 57 þingmenn í fulltrúadeild þingsins dug til að styðja hagsmuni Bandaríkjamanna og greiða atkvæði gegn því að halda áfram að fjármagna úkraínska ránsfenginn. Þeir voru uppnefndir „vinir Pútíns“ af stríðsglæpamönnunum. Síðan þá hefur allur Demókrataflokkurinn, þar á meðal svokallaðir róttækir vinstrisinnar, auk sumra Repúblikana, aðeins áréttað undirgefni sína við varanlegt stríð.

Stríðsmarkmiðin gera nákvæmlega ekkert til að þjóna hagsmunum bandarísku þjóðarinnar, sem er að miklum hluta heilaþvegin af stríðsáróðri. En sannleikurinn rís hægt og rólega upp úr kafinu. Falsfréttir og lygar til að viðhalda hörmungunum eru afhjúpaðar af bandarískum föðurlandsvinum, þar á meðal Tucker Carlson, Douglas Macgregor ofursta í bandaríska hernum á eftirlaunum, og fyrrum vopnaeftirlitsmanni Sameinuðu þjóðanna og bandaríska landgönguliðinanum, Scott Ritter.

Að greina hafrana frá hisminu

Úkraína er spilltasta ríki Evrópu. Stríðsóðir öldungardeildarþingmenn skutu í hvelli niður breytingartillögu Rand Paul í maí sl. Hún fól í sér eftirlit með afhendingu á 40 milljarða dollara aðstoð. Þeir hefðu mátt hlusta, því að í ritskoðaðri umfjöllun CBS kom í ljós, að vegna þjófnaðar og spillingar, skili sér aðeins 30 prósent af bandarískum búnaði á víglínuna. Glæpalýður um alla Evrópu makar nú krókinn með vopnasölu á svörtum markaði.

Þvert á upplýsingaóreiðu vestrænna fjölmiðla hefur Úkraína nú þegar tapað stríðinu. Staðreyndin er sú, að frá upphafi átakanna hafa Rússar barist með aðeins einum á móti þremur Úkraínumönnum. Þrátt fyrir það hafa Rússar valdið mannfalli upp á 600 til 1.500 manns daglega í úkraínska hernum. Þeir hafa náð 20 prósent af landinu á sitt vald og slökkt á raforkukerfum landins. Mannfall í úkraínska hernum er amk. hundrað þúsund manns.

Fallinn hermaður, einhversstaðar í Úkraínu. Margir hafa hlotið svipuð örlög.

Með deildarkvaðningu í herinn breytti Rússland líkunum verulega sér í hag. Á næstu vikum bætist við 300.000 manna varalið, auk 70.000 manna sjálfboðaliðs. Brotthvarf Rússa í Kharkov og Kherson, sem vestrænir fjölmiðlar kalla hrikalega rússneska ósigra, gætu ekki verið fjarri lagi. Um að ræða skammtíma taktíska endurskipulagningu sem ætlað var að lágmarka mannfall í rússneskum hersveitum. Ef Joe Biden og NATO hefja ekki þriðju heimsstyrjöldina með beinni hernaðaríhlutun, verða leifar úkraínska hersins undir grænni torfu með komandi vori eða sumri.

Viðskiptaþvinganirnar sprungu í andlitið á Biden

Efnahagsþvinganir glópalistanna voru hannaðar til að kremja Rússland. Það mistókst og þær sveifluðust til baka og beint framan í Vesturlönd. Biden lýsti yfir að: „Áður óþekktar refsiaðgerðir okkar urðu til að rústa rúblunni.“ Yfirlýsingin eltist mjög illa því rússneska rúblan varð öflugasti gjaldmiðill ársins.

Biden sagði einnig að til að refsa Rússlandi yrðum við líka að borga fyrir refsiaðgerðirnar. Hann var ekki að grínast. Matvæla- og orkuþvinganir þeyttust eins og bjúgverpill til baka. Í stað þess að lama efnahag Rússlands, eru þær að eyðileggja Vesturlönd með skorti og vaxandi verðbólgu, himinháum eldsneytis-, matvæla- og orkuverðshækkunum. Rússland rís nú upp úr samdrætti, á meðan við sökkvum úr samdrætti niður í kreppuástand.

Í Vestur-Evrópu hefur orkuverð hækkað um allt að eitt þúsund prósent. Búist er við að þúsundir manna frjósi í hel ef langur og kaldur vetur verður í Evrópu. Evrópubúar tína sprek og grisja skóga fyrir eldivið. Í Póllandi þarf fólk að brenna rusli til að kynda heimili sín.

Aldraður maður í Póllandi safnar sprekum fyrir veturinn.

Hryðjuverkið á Nord Stream 2-leiðslunni, sem boðað var með hótunum frá Biden og Victoriu Nuland, var næstum örugglega framið af Bandaríkjunum og/eða Bretlandi. Skemmdarverkið mun afiðnvæða Þýskaland og smækka það niður í þriðja heims hagkerfi.

Þessar efnahagslegu hamfarir hafa ekki verið af völdum „stríðs Pútíns“. Þær eru afleiðing „refsiaðgerða“ Bidens. Refsiaðgerðirnar hafa skollið af þunga á venjulegum borgurum og eyðilagt efnahag Evrópu og Bandaríkjanna. Á meðan hafa Rússar tvöfaldað olíu- og gashagnað sinn. Rússland á meira en nóg af hita, eldsneyti og mat fyrir alla sem þar eiga heima.

Heljarþröm kjarnorkustyrjaldar

Volodymyr Zelenskyy og Biden hafa ýtt heiminum að heljarþröm kjarnorkueyðingar. Zelenskyy hefur krafist þess að NATO geri fyrirbyggjandi kjarnorkuárás á Rússland. Biden studdi þetta brjálæði af kæruleysi og viðurkenndi að við værum á barmi kjarnorku „gjöreyðingar“. Stjórnmálastéttin og fjölmiðlar hafa haft hljótt um þessa geðveiki. Möguleikinn er ennþá fyrir hendi að Úkraína sprengi geislavirka „skítabombu“ til að kenna Rússlandi um og hrinda af stað atburðarás beinnar hernaðaríhlutunar Bandaríkjanna og NATO.

Biden tók enn eitt skrefið í átt heimsstyrjaldar með því að senda 4.700 hermenn úr 101. flugherdeild Bandaríkjahers til Rúmeníu í „bardagaþjónustu“. Bandarískir hermenn stunda bardagaæfingar með alvöru skotfærum aðeins þremur kílómetrum frá Úkraínu. Þeir eru „í viðbragðsstöðu“ til að fara yfir landamærin til að berjast gegn Rússlandi.

Nú hefur Biden einnig sent bandaríska hermenn inn í Úkraínu. Yfirlýst hlutverk þeirra á stríðssvæðinu er „hernaðareftirlitsmenn“, en eins og hjá bandarískum „ráðgjöfum“ í Víetnam gæti það breyst á örskotsstundu. Stríðsbrjálæðingarnir munu beita sér fyrir alhliða hernaðaríhlutun við fyrsta dauðsfall Bandaríkjamanna.

Hættan á heimsstyrjöld er raunveruleg. David Petraeus, fyrrverandi hershöfðingi og fyrrverandi forstjóri CIA, lagði til að Bandaríkin leiði fjölþjóðlegt herlið innan Úkraínu til að berjast gegn Rússum. Jens Stoltenberg, framkvæmdastjóri Atlantshafsbandalagsins, lét grímuna falla og lýsti því yfir að „Sigur Rússlands í stríðinu í Úkraínu verður ósigur fyrir NATO. Þetta má ekki gerast.“

Úkraína, Bandaríkin og NATO hafa eyðilagt friðarviðræður

Strax árið 2015 veittu Minsk-bókanirnar diplómatíska leið til friðar. Bæði Petro Poroshenko, sem varð forseti eftir valdaránið 2014, og eftirmaður hans, Volodymyr Zelenskyy grófu undan þeim áætlunum. Poroshenko hefur viðurkennt að undirritun samninganna hafi verið kænskubragð, til að kaupa tíma fyrir Bandaríkin og NATO til að vígvæða Úkraínu og þjálfa herinn. Zelenskyy var m.a. kjörinn í embætti fyrir loforð um að hrinda friðarsáttmálanum í framkvæmd. Hann sveik það fljótt með þéttu faðmlagi sínu við stjórnmálaflokka nazista.

Það er þyngra en tárum taki fyrir íbúa Úkraínu, að markmið Bandaríkjanna og NATO hafa ekkert með hagsmuni þeirra að gera. Hræðsluáróðurinn er á báða bóga. Biden hefur tekið skýrt fram að markmið hans sé að steypa Pútín af stóli. Öldungadeildarþingmaðurinn Lindsay Graham (R-S.C.), leiðandi stríðshaukur GOP, hefur kallað eftir að Pútín verði ráðinn af dögum. Lloyd Austin varnarmálaráðherra, hefur lýst því yfir að verkefnið sé að veikja Rússland, og ef nauðsyn krefur styðja Úkraínustríð „í mörg ár“, alveg til síðasta Úkraínumanns.

Bandarísku öldungardeildarþingmennirnir Lindsay Graham og John McCain með Petro Poroshenko og úkraínskum vígamönnum í desember þegar árið 2016.

Þetta er ástæðan fyrir að í apríl síðastliðnum eyðilögu Bandaríkin og Bretland möguleika á friðarsamkomulagi milli Úkraínu og Rússlands. Þessu stríði hefði getað lokið fyrir sjö mánuðum. En friðsamleg lausn er ekki markmið Bandaríkjanna og NATO, sem vilja endalaust stríð til að annað hvort sigra, eða veikja Rússlandi svo illa að Vladimir Pútín verði steypt af stóli.

Sérfræðingar telja að það muni ekki gerast. Það sem mun gerast er að tugþúsundir úkraínskir ​​hermenn til viðbótar, og þúsundir rússneskra hermanna munu falla til einskis. Áframhaldandi kröfu Bandaríkjanna og NATO um að samningaviðræður séu ekki valkostur mun leiða til eyðileggingar Úkraínu.

Hvað með rökin sem stríðsbrjálæðingarnir nota til að réttlæta umboðsstríð sitt í Úkraínu? Réttlæting þeirra er byggð á tveimur fullyrðingum — að í Úkraínu sé verið að verja fullvalda þjóð og að Úkraína sé lýðræðisríki. Sannleikurinn er sá að Úkraína er hvorugt.

Úkraína er ekki fullvalda ríki

Úkraína hætti að vera fullvalda ríki árið 2014 þegar Bandaríkin skipulögðu ofbeldisfullt valdarán sem steypti lýðræðislega kjörinni ríkisstjórn Viktors Yanukovych forseta. Stríðið í Úkraínu hófst ekki í febrúar 2022 — það hófst í febrúar 2014 með „Maidan-byltingunni“. Ítarlega skipulögðu, vel fjármögnuðu og þungvopnuðu valdaráni gegn ríkisstjórninni. Leyniskyttur á húsþökum umhverfis Maidan-torgið skutu og drápu meira en hundrað lögregluþjóna og mótmælendur. Úkraínumenn kenndu stjórn Yanukovych um morðin og studdu að honum yrði steypt af stóli. Valdaránið var fjármagnað af úkraínskum ólígarka-glæponum en auk þess stutt af öflugum úkraínskum félagasamtökum George Soros.

Úkraínski ólígarkinn sem studdi Zelenskyy til valda og kom Hunter Biden í stjórn úkraínska orkufyrirtækisins Burisma Holdings, heitir Ihor Kolomoisky.

Victoria Nuland, aðstoðar-utanríkisráðherra Bandaríkjanna, var einn af hönnuðum atburðarásarinnar. Símtal var hljóðritað, þar sem hún ræddi hvaða úkraínska svikara hún myndi velja sem nýjan forseta. Nuland viðurkenndi að Joe Biden varaforseti hefði um það endanlegt samþykki. Hún er enn lykilmaður í utanríkisráðuneyti Biden-stjórnarinnar.

Bandaríkin settu upp ríkisstjórn viðskiptahagsmuna sinna. Nazistavæðing Úkraínu tók flugið. Hryðjuverkaveldi var leyst úr læðingi þar sem tugir manns af rússnesku þjóðerni voru brennd lifandi í Odessa og öðrum borgum, auk þeirra 14.000 sem drepin voru í Donbass.

Þúsundir almennra borgara hafa verið myrt, pyntuð eða horfið í Suður- og Austur-Úkraínu og Donbass frá árinu 2014.

Úkraínustjórnir eftir Maidan-byltinguna 2014 hafa verið leikbrúður Bandaríkjanna, NATO og vestrænu glópalista elítunnar.

Frá árinu 2014 hefur nazista-hugmyndafræði, völd og áhrif stjórnmálaflokka og samtaka nazista vaxið með hverri nýrri stjórn. Sturlunin náði hámarki í forsetatíð Volodymyr Zelenskyy. Úkraínskir ​​nazistar hafa borað sér inn á öll stig stjórnvalda og hersins í landinu.

Úkraína er ekki lýðræðisríki

Eins og ég hef áður skrifað um í American Greatness þá er Úkraína de facto nazistaríki.

Hér er stutt yfirlit yfir áhrif og völd nazista í landinu:

  • Zelenskyy bannaði alla ellefu óháða stjórnmála- og stjórnarandstöðuflokka í landinu. Hann snerti á hinn bóginn ekki við nazistafélögum sínum og bandamönnum. Flokkar og hópar sem styðja nazista eins og Azov National Corps, Svoboda, Right Sektor og C14 eru áfram frjálsir til að skipuleggja, æsa upp, stækka og auka áhrif sín.
  • Zelenskyy sameinaði nánast alla fjölmiðla með valdi, til að stýra upplýsingagjöf og koma í veg fyrir andóf. Hann notaði einræðisvald til að sameina allar innlendar sjónvarpsstöðvar í einn vettvang, til að búa til „sameinaða upplýsingastefnu“.
  • Zelenskyy fyrirskipaði handtöku Viktor Medvedchuk, síns helsta pólitíska keppinautar. Medvedchuk var ákærður fyrir landráð þrátt fyrir að flokkurinn Patriots for Life, sem nú er bannaður, hefði fordæmt innrás Rússlands.
  • Zelenskyy stýrir morðum, mannránum og pyntingum á andófsmönnum og pólitískum andstæðingum. SBU (Úkraínska öryggislögreglan) auk Azov hafa elt uppi og myrt borgarstjóra og aðra staðbundna embættismenn sem þáðu rússneska mannúðaraðstoð eða sömdu um örugga undankomuleið fyrir íbúa sem hafa orðið að flýja átök.
Úkraínustjórn fagnar nazískum rótum

Nazismi í Úkraínu á sér djúpar sögulegar rætur. Stepan Bandera var stofnandi úkraínska nazismans og fremsti stuðningsmaður hans í seinni heimsstyrjöldinni. Bandera leiddi Samtök úkraínskra þjóðernissinna (OUN), sem stóðu að morðum á 200.000 gyðingum, Rússum og Pólverjum. Margir Úkraínumenn unnu með þýskum nazistum og eitt af hverjum fjórum fórnarlömbum gyðinga í Helförinni — um 1,5 milljónir manna — voru myrt í Úkraínu.

Táknin eru kunnugleg, sagan er hrollvekjandi.

Fæðingardagur Bandera er nú þjóðhátíð í Úkraínu. Að sið þýskra hermanna í Þriðja ríkinu, syngja úkraínskir ​​fallhlífarhermenn nú ákaft „Bandera er faðir vor . . .” og tilbiðja nazistahetjuna sína.

Vanhelgun minnisvarða um Helförina og göngur til að heiðra látna þýska nazista í síðari heimsstyrjöldinni eru reglulegir viðburðir. Úkraínsk börn eru innrætt til að hata og drepa Rússa í ungmennabúðum nazista.

Undir stjórn Zelenskyy hefur vegsömun Bandera og annarra nazista náð hámarki. Hundruð gatna og almenningsgarða hafa verið endurnefnd eftir þeim og tugir stytta og minnisvarða hafa verið reistar þeim til heiðurs.

Stóreflis stytta af nazistaforingjanum Stepan Bandera í borginni Lvov í Galiciu (Vestur-Úkraínu). Rauði og svarti fáninn táknar „blóð og mold“.

Azov herfylkingin eru hreinræktaðir nazistar

Úkraína er gegndrepa af vígasveitum, samtökum og stjórnmálaflokkum nazista. Alræmdust er Azov Battalion. Hugmyndafræði hennar, tákn og einkennismerki eru í raun Hitlerísk. Yfirlýst hlutverk Azov er að „leiða hvíta kynstofna heimsins í hina hinstu krossferð . . . gegn Untermenschen [annars flokks fólki] undir forystu Semíta. Barbarískir stríðsglæpir þeirra eru vandlega skjalfestir.

Nú er hluti af þjóðvarðliðinu í Úkraínu, Azov-herfylkingin og aðrir nazistahópar einu vígasveitir nazista í heiminum sem hafa formlega verið samþykktar inn í herafla þjóðríkis. Götubardaga armur Azov hefur verið tekinn inn í lögregluna.

Azov herfylkingin er einnig alþjóðleg miðstöð hvítra rasískra þjóðernisöfgamanna. Hún hefur byggt upp alþjóðlegt tengslanet til að ráða til sín slíka menn alþjóðlega, til að þjálfa og berjast í Úkraínu. Samkvæmt alríkislögreglunni FBI hafa þessi nazistasamtök, sem fjármögnuð eru með bandarísku fé, þegar þjálfað bandaríska öfgamenn sem hafa snúið aftur til Bandaríkjanna.

Azov nazistar fylkja liði. Talsvert var fjallað um þetta alvarlega vandamál Úkraínu í vestrænum fjölmiðlum frá 2014 alveg þar til 2022. Eftir það hefur ríkt þögn og jafnvel hvítþvottur á þeim.

Azov nazistarnir ættu ekki að koma bandarískri stjórnmálastétt eða fjölmiðlum á óvart. Árið 2015 greiddi þingið atkvæði með því að stöðva frekari bandaríska þjálfun og hernaðaraðstoð til úkraínskra nazista. Bannið var fljótt afturkallað vegna þrýstings frá Pentagon undir stjórn Obama. Vestrænir fjölmiðlar sem um árabil höfðu afhjúpað og skjalfest samtök og leiðtoga nazista í Úkraínu, vinna nú í akkorði við að endurskapa ímynd þeirra og hvítþvo þau.

Zelenskyy hampar nazistum opinberlega

Við formlega athöfn fyrir þinginu veitti Zelenskyy leiðtoga nýnazistaflokksins Right Sektor orðuna „Hetja Úkraínu“. Forseti Úkraínu skipaði einnig meðstofnanda Right Sektor sem ráðgjafa yfirhershöfðingja Úkraínu.

Í myndbandsávarpi á gríska þinginu, hélt Zelenskyy ávarp með tveimur Azov nazistum. Grískir þingmenn og borgarar urðu öskureiðir, en Grikkland varð fyrir hrottalegu hernámi þýskra nazista í Seinni heimsstyrjöldinni.

Fyrr í þessum mánuði var stór gata í Kænugarði endurskírð „Hetjur Azov hersveitarinnar“.

Zelensky sleppti dæmdum nazistahrottum lausum

Tornado Battalion er úkraínsk herdeild sjúkra nazískra sadista. Eftir valdaránið 2014 var hún send til Donbass til að hefja þjóðernishreinsanir á rússneskumælandi íbúum svæðisins.

Meðlimir Tornado Battalion stunduðu dráp, pyntingar og þjóðernishreinsanir.

Árið 2017 voru leiðtogar Tornado herfylkingarinnar loksins færðir fyrir dómstóla af úkraínskum yfirvöldum fyrir stríðsglæpi, morð, pyntingar og nauðganir — þar á meðal nauðgun á sex mánaða gömlu barni. Mjög erfitt er að horfa á upptökur af vitnisburðum frá réttarhöldunum (með enskum texta). Gerendurnir voru sakfelldir og dæmdir í ellefu ára fangelsi. Í júlí á þessu ári sleppti Volodymyr Zelenskyy þessum skepnum út og klæddi þá aftur í einkennisbúninga til að endurtaka leikinn. Þessir menn ganga fyrir bandarísku skattfé.

Hvert skal stefnt?

Falsfréttaherferðin um Úkraínu var hönnuð af Hvíta húsinu, NATO og glópalista elítunni. Útfærð af fjölmiðlum þeirra, er hún sú útbreiddasta í sögunni. Af því hve mikið af stríðsáróðri þeirra eru augljósar lygar, er engin opinber umræða liðin. Allir sem efast eru stimplaðir sem „umboðsmenn Kremlar“ og stjakað út í horn. En eins og haft er eftir John Adams: „Staðreyndir eru þrjóskar“. Þrátt fyrir allar falsupplýsingar stjórnvalda og fjölmiðla um Úkraínu standa þessar staðreyndir eftir.

Stríðið í Úkraínu er ekki í þágu bandarísku þjóðarinnar. Refsiaðgerðir Biden gegn Rússlandi eru að eyðileggja efnahaginn okkar. Milljarðarnir sem sóað er í þetta stríð eru peningar skattgreiðenda sem hefði mátt nota í að laga vandamál heima fyrir. Ríkisstjórn Zelenskyy er raunverulega spillt nazistastjórn og umboðsstríðið gegn Rússlandi færir okkur stöðugt nær kjarnorkustyrjöld.

Stríðsæsingamennirnir eru háðir því að hagræða almenningsálitinu með falsfréttum og ótta til að Bandaríkjamenn hunsi þau mál sem eru þeim sjálfum mikilvæg. Þetta er það sem verið er að gera með Úkraínu.

Bandaríkin geta ekki stutt nazista. Við þurfum opna umræðu á þinginu til að afhjúpa sannleikann um umboðsstríðið í Úkraínu - og hugdjarfa menn til að leiða hana.

Sannleikurinn mun alltaf sigra lygarnar - ef hann fær að heyrast og sjást.

Um höfund greinarinnar:

Maurice Richards er fyrrverandi lögreglustjóri í Martinsburg í Vestur-Virginíu. Hann starfaði sem slíkur frá 2015 til 2020 eftir 24 ára feril í lögreglunni í Chicago. Richards er með doktorsgráðu í fullorðinsfræðslu frá Northern Illinois University. 

Skrif hans hafa verið birt í Human Events, The Federalist, The Hill og The Daily Caller.

25 Comments on “Tímabært að segja sannleikann um Úkraínu”

  1. Þetta er lengsta bull sem ég hef lesið í langan tíma.

  2. Sannleikurinn um Úkraínu er sáraeinfaldur: Þeir telja sig LANGTUM merkilegri þjóð heldur en Rússa og því sé það LANGT fyrir neðan sína virðingu að vera settir undir stjórn þeirra.

    Í hverju eiga svo þessi merkilegheit að felast? Jú, að þeir séu sjálfir hreinræktuð Evrópuþjóð, komin út af pólskum og litháískum háaðli, tevtónskum riddurum frá Þýskalandi, hermönnum og foringjum í liði Karls XII, o.s.frv. með öðrum orðum hreinræktaðir Aríar, á meðan Rússar, sem upphaflega voru það kannski líka, á meðan Víkingar stofnuðu Kænugarð og Hólmgarð, hafi síðan í aldanna rás blandast allskyns rumpulýð að austan, Mongólum, Azerum, Tartörum, Tyrkjum og fleiri slíkum skáeygðum skröttum (og benda þá gjarnan á útlit Pútins í því sambandi).

    Hvort sem góða fólkinu líkar það betur eða verr, þá lifir slík kynþáttahyggja góðu lífi enn í dag víðs vegar í heiminum.

  3. Ég held nú að mestu nasistarnir sé Rússa megin. WAGNER

  4. Takk kærlega fyrir að segja sannleikann 🙂 þetta las maður nefninlega á sínum tíma um azov nasistana og hvursu oft pútín bað evrópusambandið um að aðtoða sig en þeir vildu ekkert gera .. frábær frétt

  5. Júlíus Einarsson ætti bara að halda sig við RÚV og CNN.

  6. Vilja menn bara vera í bergmálshellinum? Og lubbi heitir þú ekki eitthvað annað en hundsnafni?

  7. Uss Elvar .. don´t feed the trolls … leyfum honum bara að hafa sína skoðun í friði það er nóg að lesa kommentin hans.

  8. Heitið er fengið að láni úr Brekkukotsannál. Talandi um bergmálshelli þá sýnist mér þá stærstu vera að finna hjá meginstraums fjölmellunum.

  9. Mjög vel skrifuð grein, lýsir vel sannleikanum sem enginn á Islandi vill heyra!

    Júlíus reyndu nú að kafa aðeins sjálfstætt ofan í hlutina í staðin fyrir að kokgleypa BNA NATO áróðurinn sem glymur frá öllum íslenskum stjórnmálamönnum og fjölmiðlum nema á Fréttinni. BNA eru búnir að vera nánast í endalausum stríðum meira og minna síðan frá seinni heimsstyrjöld. þeir hafa unnið í því að hluta niður eða veikja öll þau ríki sem hugsanlega geta staðið upp í hárinu á þeim, enn núna ákvað rússinn að svara þeim, og þá skýtur nánast 100% Íslensku þjáðarinna rauðu yfir því, þetta er lýsandi dæmi um fáfræði og múgheimsku, ekki misskilja mig, ég er á móti öllum stríðum og það er sorglegt að horfa upp á að Úkrínsku þjóðinni sé fórnað fyrir þessa nasista og alheims glæpamenn sem styðja og brauðfæða þá. Þeir sem halda því fram að BNA sé útvalda þjóðin sem megi drepa allt og alla og sprengja allt í tætlur eru náttúrulega verulega siðblindir!

    Ég hvet fólk til að hlusta á útskýringar Scott Ritter og Douglas Macgregor á því sem er að gerast þarna í Úkraínu og undanfara þessa stríðs sem teygir sig meiran enn tvo áratugi aftur í tímann.

    Við þetta vil ég bæta að Ísland á að segja sig strax úr NATO og ekki koma nálægt þessum heimsvalda fíklum.
    Það þar að sópa ruslinu út af alþingi og leggja niður allar þessar gagnlausu eiginhagsmuna flokka mafíur þá kannski myndum við í fyrsta sinn taka sjálfstæða ákvarðanir þegar kemur að utanríkismálum sem hefur ekki verið gert síðan BNA tók yfir sjálfstæði Íslands þegar við gengum í NATO.

  10. Haldið þið að þessar skoðanir ykkar fengu að heyrast í Rússland eða Hvíta Rússlandi?

  11. Skrítið hvað það er mikið af Nasistum þegar Rússar þurfa að réttlæta athæfi sitt.. Ég held að það sé fullar blokkir af Nasistum í Úkraínu.sem þarf að sprengja í tætlur. Jafnvel nasistabörn?

  12. Júlíus, þú ert einstaklega málefnanlegur, öll kommentin þín hér lykta af ólýsanlegum rökstuðningi!

  13. Hæ strákar(eða eruð þið kanski stelpur) ég ætla að skilja ykkur eftir í búbluni.Tíminn á kanski eftir að leiða sannleikan í ljós.Hér duga engin rök.

  14. Ég er með mitt kyn allavega á hreinu og ég kem undir nafni. Ég lifi ekki í þessu nýmóðins kyngreininga kerfi góða fólksins (í boði stjónvalda að sjálfsögðu) til að upphefja blessaða kynvillingana.

    Ég hef nú ekki séð nein rök í þessum skrifum þínum Júlíus?
    hópurinn sem þú tilheyrir hugsar ekki í rökum, þeir elta bara fjöldann til að passa inn í margmennið. Ég myndi ráðleggja þér að lesa meira það sem Kristján (Skítadreifari) Kristjánsson á DV er að skrifa.
    Einfandleikinn ræður allri för hjá honum, hann lifir í sínum fantasíu heimi þar sem takmarkaða eða enga hugsun þarf til að lesa það sem hann er að skrifa, annar kauni sem er á sama leveli er Samúel (Sauður) á Vísi.

    Ef ég á að vera hreinskilinn þá virðist Þráinn Bertelsson hafa haft rétt fyrir sér um árið þegar hann talaði um prósentu fjölda fáfróðra Íslandinga, það er því miður staðreind

  15. Ásreir, þú ert einstaklega málefnanlegur!
    Þú ert væntanlega að tala um sjálfan þig, ég geri ráð fyrir því af skrifum þínum að dæma að þú sért einfaldur, hugsunarlítill, múgheimskur, heilaþveginn, BNA, NATO hvolpur

    Erna Ýr er örugglega ljósárum gáfarðri einstaklingur enn þú Ásgeir

  16. Ari, ég er það málefnalegur að ég segi skoðun mína á Ernu Ýr umbúðalaust. Það sem þú gerir ráð fyrir um mig er fjarri lagi. Ljóst að það að vera málefnalegur þvælist fyrir þér. Ekki ætla ég samt að gera mér upp hvað veldur.

  17. Ef þú lest það sem ég var að skrifa hér á ofan í fyrstu kommentunum mínum þá útskýrir ég mun betur mitt mál með rökum enn þú þegar þú ert að kalla Ernu Ýr einhverjum ónöfnum án þess að bera rök fyrir því hvað er satt og rétt í hennar pisli, það kallast ekkert annað enn að vera ómálefnalegur. Þannig að það er nokkuð gott og rökrétt svar við spurningu þinni hvað veldur.

  18. Ljóst að við höfum ekki sama skilning á því hvað er að að vera málefnalegur svo að ég vísi í það sem þú skrifaðir hér að ofan:
    „áróðurinn sem glymur frá öllum íslenskum stjórnmálamönnum og fjölmiðlum nema á Fréttinni.“ Ha ha ha ha ha
    „Kristján (Skítadreifari) Kristjánsson á DV“
    „Samúel (Sauður) á Vísi.“
    „að þú sért einfaldur, hugsunarlítill, múgheimskur, heilaþveginn, BNA, NATO hvolpur“
    Það ert þú sem notar ónefni, ég uppnefni Ernu Ýr ekki.

  19. Að uppnefna Ernu Ýr fyrirbæri er ekkert annað enn uppnefni og ónefni það skilur líttgreindur maður eins og þú ekki

    Stærsti munurinn á okkur tveimur liggur í sjálfstæri hugsun að pæla í hlutunum frá öllum hliðum í stað þess að sjóndeildarhringurinn sé eins og að horfa í gegnum hálftommu rör eins og þú.

    Fréttin er eini fjölmiðilinn á Íslandi sem þorir að kafa ofan í hlutina í Úkraínu eða þessa bólusettninga vitleysu sem tókst að planta með heilaþvætti inn í samfélagið með hjálp allra hinna fjölmiðlanna.

    Þessi lýsingarorð sem ég nota á þig eru svar við barnalegum og rökstuðningslausum kommentum þínum, ef þú myndir koma með rökstuðning og lýsingar á því sem þú myndi telja að væri rétt væri þér svarað öðruvísi hátt frá mér.

    Þessir tveir kaunar á DV og Vísi sem þú ert að nefna lifa í einstrengislegum fantasíu heimi sem á ekkert skylt við raunveruleikan og hvað þá byrtingu í fjölmiðlum.

  20. Ari hinn mótsagnakenndi, stendur ekki steinn yfir steini í neinu sem þú segir. Ætlar mér hugsanir, fordæmir eitthvað sem þú ætlar mér en beitir sjálfur. Hefur greinilega ekki vitsmuni í að rökræða við mig. Ég er góður maður að skal hlífa þér við frekari háðung.

  21. Ásgeir, æji grey kallinn!

    Þá mátt allveg vera ósammála mér það allt í lagi ég tek það ekki inn á mig, það er fjarri lagi.

    Það að halda því fram að ég ætli þér hugsanir, ég hef verið meira að reyna að komast að því hvað þú ert að hugsa drengur, það kallast ekki að ætla öðrum hugsanir?

    þú lýsir þínum vitsmunum vel sjálfur og þarft ekki mína hjálp við það, það eina sem ég hef beði þig um er að útskýra fyrir mér, Ernu Ýr og öðrum hvað það er sem hún er að segja sem þú telur að sé ekki rétt, það er það eina sem ég var að biðja þig um?

    Ég veit ekkert um það hversu góður maður þú ert eða telur þig vera og þar með er ég seint óttaslegin yfir innihaldslausum skrifum þínum.

  22. Eru engin takmörk fyrir því hvaða bull er sett á prent?
    Talandi um nasista ættu menn að skoða Wagnerherdeild Pútíns. Þar geta menn séð sanna nasista!

Skildu eftir skilaboð