Skelfileg aukning krabbameina í heiminum eftir „bólusetningarnar“ – hvernig er staðan á Íslandi?

frettinErlent, Kristín Inga Þormar, Pistlar1 Comment

Kristín Þormar skrifar:

Ég horfði nýlega á viðtal við Ute Kruger lækni, sem starfar í Svíþjóð. Hún er yfirlæknir meinafræðideildar í háskólanum í Lundi, og hefur starfað í því fagi síðastliðin 25 ár, þar af 18 ár með sérstaka áherslu á brjóstakrabbamein.

Hún hefur rannsakað þúsundir krufninga og sýna af brjóstakrabbameinum, og er þar af leiðandi komin með gríðarlega þekkingu á þróun og ferlum þessara meina.

En allt breyttist eftir að farið var að "bólusetja" fólk árið 2021.

Hún sagði meðal annars þetta:

  • Aldur - Meðalaldur sýnanna sem hún fékk lækkaði, með aukningu á fjölda sýna frá fólki á aldrinum 30-50.
  • Stærð – Það var áður óvenjulegt fyrir Dr. Kruger að finna æxli sem var 3 cm að stærð. Í þessu nýja umhverfi sér hún reglulega æxli sem eru 4 cm, 8 cm, 10 cm og einstaka sinnum 12 cm. 2 vikum áður fann hún 16 cm æxli sem fyllti heilt brjóst.
  • Mörg æxli – Dr. Kruger er farin að sjá fleiri tilfelli þar sem mörg æxli vaxa hjá sama sjúklingi, stundum jafnvel í báðum brjóstum. Hún fjallaði um 3 tilfelli á þriggja vikna tímabili þar sem sjúklingar voru með vaxandi æxli í mörgum líffærum. Einn var með æxli í brjósti, brisi og lungum innan nokkurra mánaða frá því að hann var bólusettur.
  • Endurupptaka - Það hefur verið fjölgun á sjúklingum sem hafa verið í bata vegna krabbameins í mörg ár, en fá skyndilega illvíga endurkomu þess stuttu eftir bólusetningu.

Turbo-Cancer - We Have a Problem

Viðtalið má finna hér, þar sem hún segir líka meðal annars frá áhugaleysi yfirvalda og kollega hennar á rannsóknum hennar á aukningu krabbameina eftir sprauturnar.

Hún endaði viðtalið á því að segja að hún hafi farið í læknisfræði til að hjálpa fólki, en nú líði henni eins og verið sé að drepa fólk fyrir augunum á henni og það sé ekkert sem hún geti gert.

Frekari heimildir um krabbamein eftir sprauturnar:

Stop the Shots!

Hér er ákall yfir 40 lækna um að stöðva þessar "bólusetningar".

Hvar eru íslensku læknarnir, er enginn nema Guðmundur Karl Snæbjörnsson (Kalli Snæ) sem þorir að tjá sig opinberlega um þessi svokölluðu "bóluefni" og allar aukaverkanirnar eftir þær sem eru núna orðnar um 6.200?

Eru íslenskir læknar blindir og heyrnarlausir - eða bara gungur?

Staðan hér á Íslandi?

Það hlýtur að blasa við að þar sem fólk var sprautað með sömu genabreytandi líftæknilyfjunum (sem eru ranglega kölluð bóluefni) hér á landi og annars staðar, að það hafi sömu afleiðingar fyrir marga hér á landi.

Ég veit um að minnsta kosti fjórar íslenskar konur sem eru að glíma við (brjósta)krabbamein núna, sumar við mjög illvíg. Eru þetta bara tómar tilviljanir, eins og hjá öllum sem létust hér á landi eftir sprauturnar?

Eru þær allar sprautaðar? Ég veit það ekki, en þykir það ekkert ólíklegt miðað við að stærstur hluti þjóðarinnar er tví- eða jafnvel þrísprautaður.

Ég hef að minnsta kosti aldrei áður vitað um svona margar manneskjur með krabbamein á sama tíma, allar vel undir sextugu.

Mun einhver íslenskur meinafræðingur eða læknir eins og Dr. Kruger stíga fram á næstunni og segja frá aukningu í krabbameinum, óútskýrðum skyndiandlátum, hjartaáföllum, heilablóðföllum, hjartavöðvabólgu, eða öðrum þekktum aukaverkunum eftir sprauturnar?

Því miður eru hverfandi líkur á því, hér á landi er allt þaggað niður, eða nánast afneitað.

Íslendingar sofa margir hverjir ennþá vært í faðmi fráfarandi sóttvarnalæknis sem ásamt fleirum dásömuðu "bóluefnin" og nörruðu stærsta hluta þjóðarinnar í sprauturnar, og það sem verra er, líka börn og unglinga.

Mér er fyrirmunað að skilja hvernig þetta fólk geti sofið á nóttunni.

Image

One Comment on “Skelfileg aukning krabbameina í heiminum eftir „bólusetningarnar“ – hvernig er staðan á Íslandi?”

Skildu eftir skilaboð