Þórdís B. Sigurþórsdóttir skrifar:
Lyfjaframleiðendur og lobbýistar þeirra reyna nú eftir fremsta megni að klína sökinni á herfilega misheppnuðum bóluefnum á þann minnihluta sem vill ekki sprauturnar. Bóluefnin sem áttu að leiða til hjarðónæmis koma hvorki í veg fyrir smit né veikindi og hafa auk þess leitt til fjölda spítalainnlagna. Nýlega hafa 16 sænskir læknar krafist þess að bólusetning með Pfizer verði stöðvuð á meðan verið er að skoða nánar meint rannsóknarsvik hjá PfizerBioNTech eftir uppljóstrun fyrrverandi starfsmanns fyrirtækisins.
Ritstjóri Fréttablaðsins slær fram ímyndaðri tölu um að 95% þeirra sem liggja inni á spítala með Covid séu óbólusettir, eins og ekkert sé sjálfsagðara en að búa til tölur. Hann vísar ekki í eina heimild máli sínu til stuðnings. Um leið opinberar hann aðdáun sína að stefnu sósíalistans Adolfs Hitler.
Austurríki, fæðingarstaður Hitlers, hefur boðað útgöngubann á óbólusetta, þróun sem harðasta ,,samsæriskenningafólk" hafði ekki ekki einu sinni látið sér detta í hug. Lá leiðin kannski alltaf þangað? Á meðan þríeykið með fálkaorðuna rausaði daglega um að fletja ætti kúrfuna, ná tökum á veirunni, lækka smitstuðulinn og verja veika og gamla fólkið. Fékk þríeykið kannski ekki að sjá allt handritið í upphafi, bara einn kafla í einu? Handritið sem segir nú; bólusetja börn niður í fimm ára og loka inni þá sem ekki hlýða og mæta í bólusetningu á nokkurra mánaða fresti. En hvernig er það annars með tengdó á Sóltúni? Er hún nokkuð búin að smita alla hina bólusettu á hjúkrunarheimilinu?
Fjöldi bólusettra mun aukast næstu mánuðina þar sem bóluefnapassar margra eru við það að renna út og mun sá hópur sem ekki tekur þriðju sprautuna flokkast sem óbólusettur sbr. reglurnar í Ísrael. Ísrael hefur að mestu vísað veginn í þessum málum enda fyrst til að ná samningum við Pfizer og bjóða fólk sitt fram sem tilraunadýr. Ísrael undirbýr nú fjórðu sprautuna.
En skoðum hvað Pfizer segir um bóluefnin í samningum við ESB ríkin sem undirritaður var í nóvember 2020, skjölum sem ekki hefur mátt veita almenningi aðgang að, en hafa þó fundist á internetinu. Þar segir orðrétt (sjá mynd neðar):
3.mgr.
„Samningsaðilar gera sér grein fyrir að þróun öruggra og virkra bóluefna er afar flókin framkvæmd og líkurnar á að hún misheppnist eru mjög miklar. Þess vegna verða gerðir fyrirframgreiddir kaupsamningar við nokkra leiðandi bóluefnaframleiðendur, til að hámarka líkurnar á að fá a.m.k eitt öruggt bóluefni."
Einmitt, mjög miklar líkur á að bóluefnið sem átti að kveða faraldurinn í kútinn, misheppnist. Við sáum það reyndar strax hér heima í ágúst þegar um 90% af 16 ára og eldri höfðu fengið efnið í sig. Smit ruku upp og náðu metfjölda frá byrjun mælinga, sjá mynd neðar.
Og hver er lausn yfirvalda?
Lausnin er annars vegar sú að kenna þeim óbólusettu um að hjarðónæmi hafi ekki náðst, þrátt fyrir að dæmi og tölur Landspítalans sýni að óbólusettir séu ekki þeir sem fylli spítalann. Ástralía er líka gott dæmi um þetta og sýnir allt annað en lobbýistar reyna að sannfæra fólk um.
Hinsvegar er lausn yfirvalda sú að bjóða meira af sama mislukkaða bóluefninu og lofa aftur hjarðónæmi.