Jóhannes Loftsson formaður Ábyrgar framtíðar vakti athygli á því á facebook að Delta afbrigðið sé nánast horfið í Japan en aðeins 73 tilfelli mældust þar í gær.

Frettin.is vakti athygli á því í október síðastliðnum að formaður japanska læknafélagsins hafi ráðlagt japönskum læknum að ávísa Ivermectin vegna COVID-19 og hefur kúrfan verulega breyst síðan þá og samkvæmt ítarlegum rannsóknum hefur lyfið reynst gífurlega vel til að útrýma sjúkdómnum.

Indverjar hafa einnig náð undraverðum árangri með notkun lyfsins og náðist t.d. að drepa niður bylgjuna þar með notkun lyfsins í 241 milljón manna héraðinu Uttar Pradesh. Þá hefur Afríka einnig mælst með lítið af Covid smitum en lyfið er notað þar að staðaldri t.d. við sníkjudýrum.

Þess má einnig geta að Ivermectin lyfið hefur verið notað með góðum árangri á menn við ýmsu síðan 1987 en mikilli upplýsingaóreiðu gætir í þessum efnum hér á landi, en margir halda því fram að lyfið sé einungis notað á dýr og hafa margir kallað hrossalyf. Staðreyndin er hins vegar sú að lyfið hefur verið notað á yfir 4 milljarða manna og er m.a. gefið út fyrir mannfólk í apótekum hér á landi.

Lengi vel þá þráuðust stjórnvöld við að leyfa lyfið gegn Covid hér á landi en það hefur nú verið leyft með 500 faldri álagningu eins og Jóhannes bendir á. Verður því að spyrjast hvað sé á seyði hjá Lyfjastofnun sem notar lyfið Remdesivir sem ekki virkar og er þar að auki margfalt dýrara en Ivermectin.