Rebekka Ósk er ófrjó eftir „bóluefnin“ og Margrét Ósk með veikburða ónæmiskerfi

frettinHin hliðin, Innlent3 Comments

Rebekka Ósk Sváfnisdóttir og Margrét Ósk Guðbergsdóttir voru gestir Margrétar Friðriksdóttur í þættinum Hin hliðin í sumar. Báðar hafa þær glímt við heilsuleysi eftir Covid sprautuefnin.

Rebekka Ósk er tveggja barna móðir og var 38 ára þegar hún fékk Pfizer sprautur. Í kjölfarið fékk hún stanslausar blæðingar í tvo mánuði. Hún stofnaði hóp um málefnið á Facebook þar sem í dag eru tæplega 3000 konur. Hún fékk nokkru síðar úr því skorið að hún væri komin í snemmbúin tíðarhvörf og því ófrjó og geti ekki eignast fleiri börn eins og hún og eiginmaður hennar ætluðu sér.

Rebekka Ósk segir m.a. frá því í þættinum að um það leyti sem átti að fara sprauta börn og unglinga hafi hún skrifað Willum Þór heilbrigðisráðherra póst þar sem hún bauð honum að koma inn í hópinn og lesa það sem konurnar höfðu að segja. Hann svaraði ekki erindinu.

Margrét Ósk er 36 ára þroskaþjálfi og þriggja barna móðir. Hún fékk einn skammt af AstraZeneca í febrúar 2021 og hefur aldrei náð heilsu á ný. Það mætti segja að hún hafi fengið alla heimsins kvilla sem mögulega er hægt að fá eftir einn „bóluefnaskammt, “ allt frá mikilli mæði og kaldrar lungnabólgu til tímabundinnar lömunar. Einn af þeim fjölmörgu læknum sem hún heimsótti ráðlagði henni frá því að fara í fleiri sprautur.

Þáttinn má horfa á hér:


3 Comments on “Rebekka Ósk er ófrjó eftir „bóluefnin“ og Margrét Ósk með veikburða ónæmiskerfi”

  1. Það hefur ávallt verið sagt að bóluefni geti haft slæm áhrif á fáa einstaklinga svo hver er fréttin?

  2. Einar –

    Ætli það sé ekki ennþá verið að reyna að vekja fólk til meðvitundar um þá staðreynd að afleiðingar mRNA efnanna eru verri en afleiðingar flensunnar sem var kölluð kóvid.

    Heimurinn var gabbaður til að taka lyf sem gerðu ekkert gagn gegn meintri veiru, þvert á móti hefur það sýnt sig að ALLT sem yfirvöld sögðu okkur um mRNA efnið var LYGI. Lyfin komu ekki á hjarðónæmi, eins og yfirvöld lofuðu, komu ekki í veg fyrir að maður veiktist, eða smitaði aðra. Möo. það var ekkert gagn af þessum lyfjum, en þau hafa núþegar drepið tugþúsundir og skaðað hundruðir þúsunda … í augnablikinu eru 1 400 000 tilkynningar í VAERS gagnagrunninn um aukaverkanir af völdum covid lyfjanna. Það eru fleiri aukaverkanir en af öllum öðrum bóluefnum frá upphafi skráninga…. til samans.

    Það hefur semsagt ekki verið undið ofan af þessu máli og ef ekkert er gert, þá mun þetta mál sofna alveg eins og svo margir aðrir glæpir sem almenningur er svo fljótur að gleyma.

    Þetta er mál sem er þess virði að fjalla endurtekið um … því annars gleymir almenningur, alveg eins og hann „gleymdi“ að háhýsi hrynja ekki í eigin fótspor vegna elda, eða að Írakar höfðu engin „weapons of mass destruction“, osfrv. osfrv. og keisarinn er ennþá allsber …

  3. Nei Einar það hefur ekki alltaf verið sagt, heldur að aukaverkanir væru vægar – aldrei var sagt að þær myndu valda ofsablæðingum, stoppi á blæðingum, ófrjósemi eða það sem Margrét er að lýsa, nokkurs konar alnæmi!

Skildu eftir skilaboð