Eftir Pál Vilhjálmsson kennara og blaðamann:
Í Pakistan eru flóð vegna manngerðs veðurfars, segja Sameinuðu þjóðirnar. Í Borgarfirði á fólk að sætta sig við vindmyllur í túnfætinum til að bjarga flóðum í Pakistan, segja lukkuriddarar sem sjá sér leik á borði að græða á trúgirni annarra. Þeir tala eins og eitt veðurkerfi ríki á jörðinni. En samt er jökull á Grænlandi en eyðimörk í Sahara.
Man einhver eftir Nóa-flóðinu í Biblíunni? Borgir sukku í sæ á bronsöld vegna hækkandi sjávarstöðu. Náttúruhamfarir eru eldri en mannkynssagan. Risaeðlur ganga ekki lengur á guðs grænni jörð. Náttúran skapar lífsskilyrðin á jörðinni. Hefur alltaf gert. Og hvað veður áhrærir er aldrei eitt og sama loftslagið um alla jörðina. Það veit hvert barn, sem nennir að gefa þvi gaum.
Manngert veður er skáldskapur samtíma sem glatað hefur tengslum við náttúruna. Fólk ímyndar sér mannskepnuna sem lávarð heims.
Á miðaldahlýskeiðinu var 1,5 gráðum hlýrra á Grænlandi en í dag. Var það vegna þess að díselvélar víkingaskipanna losuðu koltvísýring?
Fyrir miðaldahlýskeiðið var tímabil sem kennt er við kuldahret síðfornaldar, árabilið 300 til 800. Eldgos 536, 540, 547 og 574, með framhaldi til 660, gerðu illt verra. Á þessum tíma voru þjóðflutningar í Evrópu. Rómarveldi hrundi og stórþjóðir samtímans skutu rótum s.s. Englendingar (Englar og Saxar), Frakkar og Þjóðverjar.
Nýtt er að trúa að maðurinn stjórni loftslaginu. Eina sögulega hliðstæðan er þegar almættið var talið ráða veðrum og vindum. Í stað spámanna og dýrlinga er unglingsstúlkan Gréta Thunberg sett á stall. Þeir upplýstu segja það framför í anda frjálslyndis.
Richard Lindzen er sérfræðingur í loftslagsrannsóknum, menntaður í Harvard og kenndi til áratuga í MIT. Í 50 mín. spjalli ræðir hann bábiljuna og hvernig hún varð til. Hann tekur einnig saman í texta gagnrýni á ráðandi frásögn.
Eftir hundrað á verður ekki talað um loftslagsvá, segir sænski loftslagsvísindamaðurinn Lennart Bengtsson.
Reiknilíkön, sem spá hamfarahlýnun, eru hreinar ágiskanir, segir William Happer loftslagsvísindamaður.
700 vísindamenn og sérfræðingar á sviði loftslagsmála segja í yfirlýsingu enga yfirvofandi hættu af hamfarahlýnun. Í yfirlýsingunni kemur m.a. fram:
- Loftslag jarðarinnar tekur stöðugum breytingum og hefur gert frá ómunatíð
- Litlu ísöld lauk á 19. öld og því eðlilegt að það hafi hlýnað síðan
- Hlýnun er minni en reiknilíkön hafa spáð, enda reiknilíkönin ófullkomnar ágiskanir
- Koltvísýringur, sem sagður er valda hlýnun, er forsenda lífs á jörðinni, aðalfæða plantna
- Ekki hefur verið sýnt fram á að hlýrra loftslag valdi auknum náttúruhamförum
- Loftslagspólitík verður að taka mið af vísindalegum og efnahagslegum staðreyndum
- Merkilegasta í loftslagsumræðunni er eftirspurnin eftir fávisku. Fólk stendur í biðröð eftir vitrun frá meintum sérfræðingum sem geta ekkert sagt um veðrið eftir tíu daga en þykjast vita að eftir hálfa öld verði 1,5 gráðum hlýrra.
Loftslag er ekkert annað en uppsafnað veður, hefðbundið er að miða við minnst 30 ár. En ef ekki er hægt að spá veðri í næsta mánuði hvernig er þá hægt að spá loftslagi eftir 50 ár? Jú, á sama hátt og prestar ólíkra trúarbragða sjá fyrir heimsendi.
Svo á að heita að við lifum á upplýstum tímum. Það er rangnefni. Blekkingar einkenna samtíma okkar. Stærsta blekkingin er manngerð loftslagsvá.
2 Comments on “Blekkingar í Pakistan og Borgarnesi”
Það er ekkert til sem heitir stöðugleikaloftslag, það er eðlilegt að það komi hlýindatímabil og kuldatímabil. Loftslag á jörðinni hefur oft verið hlýrra en það er í dag. Ekki alls fyrir löngu, í kringum 1980, var því haldið fram af sumum vísindamönnum að um aldamótin 2000 yrði komin ísöld!!! Samkvæmt Al Gore ættum við öll að verið dauð úr hita fyrir áratug, hann ritaði ´The ice-pole will be ice-free in the summer 2013´. Áróðurinn í dag er í boði milljarðamæringa sem vilja græða pening á kostnað skattgreiðenda (en þeir ferðast sjálfir um á einkaþotum).
Og hvað er svo ágætt í loftslagið frá árinu 1850, að við skulum fara aftur til þess? Harðir vetur ræddu yfir til dæmis Frakklandi, sem hefur núna milt loftslag.
Á gömlum kortum kemur Vatnajökull ekki fyrir. Þetta kan vera þar sem kortagerdarmanninum fannst jökullinn ekki svo mikilvægur eða þar sem jökullinn var ekki til eða ekki svo stór sem í dag.
Ennfremur nakrar hugleiðingar úr tímaritinu ‘Gezond Verstand’ (heilbrigt skynsemi); nr. 42, 1-6-2022, Klimaatgesprek (loftslagssamtal):
1. ‘Sprengjukurvan’ kennir okkur að losuð koltvísýring sé stödd í gufuhvolfinu aðeins fjögur til sex ár. Koltvísýringin hlutleysast frekar fljótt og getur ekki stuðlað að koltvísýringargildinu í gufuhvolfinu.
2. Að upphafinu útgöngubannanna minnkuðust losun með fjörutíu prósentum. Þetta hafði þó ekki áhrif á koltvísýringargildinu.
3. Hvað fáeinir menn vita er að hlynun er aðeins ein gráða á hverri tvöföldun koltvísýringargildisins.
4. Fyrir loftslagsbreytingu eru jákvæð og neikvæð endurgjafargangverk mikilvæg. Hin jákvæðu magna breytinguna; hin neikvæðu dempa hana. Sönnun fyrir jákvæðu endurgjafargangaverkunum finnast nánast engin. Aðeins tölvulíkönin forma ‘sönnun’ fyrir tilverunni jákvæðrar endurgjafar.
5. Loftslagið getur ekki annað en að innihaldið dempandi gangverkum (öðruvísi hefur það lengi þegar farið úr böndunum). Þetta er kennt sem frumregla af Le Chatelier. Þetta frumregla kennir að náttúruleg ferli sem efnahvörf eða loftslagið alltaf innihalda dempandi gangverkum. Undantekningar eru strax afturþekkjanlegar eins og sprening dínamítsins. Kerfinu sem er til milljörð ár getur ekki ráðið yfir á jákvæðum endurgjöfum.