Grétufræði í Davos

ThordisLoftslagsmál, Páll Vilhjálmsson1 Comment

Eftir Pál Vilhjálmsson:

Örvænting hamfarasinna í loftslagsmálum eykst og samsæriskenningarnar verða stórbrotnari. Nú heitir það að olíufyrirtækin séu álíka kaldrifjuð og tóbaksframleiðendur sem í áratugi seldu vöru sína vitandi að hún ylli krabbameini.

Aðalframkvæmdastjóri Sameinuðu þjóðanna, Antonio Guterres, sakar olíufyrirtæki um að vita í áratugi að CO2, koltvísýringur, valdi heimshlýnun. En það er ómöguleiki. Enginn hefur sýnt fram á tölfræðilegt samhengi CO2 og hlýnunar á sambærilegan hátt og tölfræði sýnir fylgni reykinga og lungnakrabba. Almenn vitneskja er að CO2 er gróðurhúsalofttegund líkt og vatnsgufa. En að segja CO2 valda heimshlýnun er eins og að staðhæfa að súrefni orsaki krabbamein.

Antonio Guterres valdi ráðstefnu Alþjóðaefna­hags­ráðsins í Dav­os til að kynna samsæriskenninguna. Vettvangurinn er við hæfi. Í Davos eru beittustu hnífarnir í skúffunni; boða alþjóðahyggju en hrinda í framkvæmd þveröfugri stefnu sem skiptir ríkjum í verðug og óverðug. John Kerry, loftslagssendiherra Bandaríkjanna, segir hlýnunarsinna nánast yfirnáttúrulega. Hálfguðir á einkaþotum.

Kenningin um heimshlýnun er á fallandi fæti. Judith Curry, lofslagsvísindamaður, bendir á að Guterres og félagar í hamfarakórnum hafi sjálfir lækkað spár um vænta hækkun hitastigs, úr 4-5 oC í 1,5-2 oC, en hrópi samt alltaf úlfur, úlfur.

Ástæðan fyrir lækkuninni er að raunmælingar sýna að reiknilíkön hamfaraspámanna eru með innbyggða skekkju, spá meiri hita en raun er á. John Christy hefur í áratugi mælt hita lofthjúpsins. Hann segir gögnin ekki sýna fram neina yfirvofandi hamfarahlýnun.

Jordan Peterson ræddi Grétufyrirbrigðið í réttu samhengi. Peterson er sálfræðingur.

One Comment on “Grétufræði í Davos”

  1. Önnur ánægjuleg frétt tengd Davos barst út í dag: Ja­cinda Ardern, forsætisráðherra (eða
    “ -hán“, tranní að sögn kunnugra) Nýja Sjálands sagði óvænt af sér í dag, engin skýring gefin.

    Getur verið að það sé að fjara mun hraðar undan heimsvaldasinnunum í Davos (Ardern er WEF Young Global Leader, eins og okkar eigin Kat.Jak.) heldur en nokkurn gat órað fyrir og að þetta sé fyrsta skrípið tengt þeim óþverrasamtökum, sem sé sparkað?

    Auðvitað er of snemmt að slá nokkur föstu í þeim efnum, en ef fleiri YGL fylgja í kjölfarið innan skamms, Finnland, Eistland, svo ekki sé nú minnst á Kanada, og verða látin fjúka á næstunni, þá er ekki lengur um neitt að villast.

Skildu eftir skilaboð