Dagur Kár Jónsson hefur samið við KR um að leika fyrir félagið í Subway deild karla á næsta tímabili. Hann kemur til liðsins frá Stjörnunni, þangað sem hann fór þegar hann kom heim frá Spáni nú í janúar, en hann lék þó engan leik fyrir Stjörnuna á tímabilinu.
Hann hætti að leika á Spáni í janúar þar sem hann fékk hjartavöðvabólgu og þurfti að taka hlé.
Fréttin sló á þráðinn til Dags Kár og spurði hann út í málið og hvort hann hefði fengið hjartavöðvabólgu eftir Covid bólusetningu. Hann sagðist vera bólusettur en að læknar vildu ekki tengja kvillann við bóluefnið.
Íþróttaheimurinn og hjartavöðvabólga
Fréttin hefur birt töluvert af fréttum af íþróttafólki sem hefur fengið hjartavöðvabólgu, hjartaáfall o.fl., en gífurleg aukning hefur orðið á hjartatengdum vandamálum meðal íþróttafólks frá því að Covid bólusetningar hófust.
Nýlega ollu stjórnendur og gestir í áströlskum íþróttaspjallþætti nokkrum usla eftir að þeir fullyrtu að Covid-bóluefnin væru ástæða mikillar aukningar hjartavanda og andlitslömunar meðal íþróttafólks.
Þá er ekki langt síðan að fyrrum körfuboltastjarnan John Stockton steig fram og sagðist vera með lista yfir „hundruð“ bólusettra íþróttamanna sem hafa „dottið niður dauðir á vellinum.“
Fyrrum knattspyrnustjóri Sunderland taldi einnig að líklegt væri að Covid bóluefnin væru ástæða vaxandi hjartavandamála.
Í lok nóvember sl. var fyrrum enska fótboltastjarnan Trevor Sinclair gagnrýnd fyrir að dreifa „hættulegu rugli“ eftir að hafa spurt í beinni útsendingu hvort Sheffield United leikmaðurinn Fleck sem er þrítugur hafi hnigið niður á vellinum vegna Covid bóluefnanna. Slökkt var á útsendingu hjá talkSPORT um leið og Sinclair sleppti orðinu.
Hinn þekkti bandaríski hjartalæknir Peter McCullough hefur fjallað mikið um málið og hér má heyra hann útskýra í stuttu og skýru máli muninn á hjartavöðvabólgu sem hlýst af völdum Covid-bóluefna annars vegar og hjartavöðvabólgu sem hlýst af sjúkdómnum Covid hins vegar.
Fyrir u.þ.b. tveimur vikum sendi Lyfjastofnun Svíþjóðar frá sér tilkynningu um niðurstöðu á rannsókn sem náði til 23 milljóna þátttakenda á norðurlöndunum. Fram kom að rannsóknin hafi sýnt að allt að 15 sinnum fleiri tilfelli af hjartavöðvabólgu hafi komið fram hjá ungum karlmönnum sem höfðu fengið bóluefnið en hjá þeim sem höfðu það ekki.
Athygli vekur að Lyfjastofnun Íslands og Landlæknisembættið hafa engar fréttir birt af þessar umfangsmiklu norrænu rannsókn. Samkvæmt rannsókninni sem birtist í Journal of the American Medical Association (JAMA) eykur Covid bólusetning hættuna á alvarlegri hjartabólgu allt að 120-falt miðað við þessa greiningu.
Viðtal við Dag Kár sem Karfan spjallaði við má sjá hér: